KERALA
കിണറില്‍ കുടുങ്ങിയ തൊഴിലാളിയെ കണ്ടെത്തി.സമാന്തരമായി മറ്റൊരു കിണര്‍ കുഴിച്ചാണ് രക്ഷാപ്രവര്‍ത്തനം നടത്തിയത്
കൊല്ലം: കൊട്ടിയം തഴുത്തലയില്‍ കിണറില്‍ കുടുങ്ങിയ തൊഴിലാളിയെ കണ്ടെത്തി. മുട്ടക്കാവ് സ്വദേശി സുധീര്‍ ഇന്നലെ ഉച്ചയോടെയാണ് കിണറിനുള്ളില്‍ അകപ്പെട്ടത്. സുധീറിന്‍റെ ആരോഗ്യനില തൃപ്തികരമാണ്.
കൊട്ടിയം പുഞ്ചിരി ചിറയില്‍ കിണറ്റില്‍ റിങ്ങ് ഇറക്കുന്നതിനിടെ ഉണ്ടായ അപകടത്തില്‍ സുധീര്‍ കിണറിനുള്ളില്‍ കുടുങ്ങുകയായിരുന്നു. ഇത് ഏകദേശം 60 അടി താഴ്ചയുള്ള കിണറായിരുന്നു.
മണ്ണിനടിയിലായ ഇയാളെ കണ്ടെത്താനായി സമാന്തരമായി മറ്റൊരു കിണര്‍ കുഴിച്ചാണ് രക്ഷാപ്രവര്‍ത്തനം നടത്തിയത്. ഉച്ചക്ക് ഒരു മണിയോടെയാണ് സുധീര്‍ അപകടത്തില്‍ പെട്ടത്.പൊലീസിനും ഫയര്‍ഫോഴ്‌സിനും ഒപ്പം നാട്ടുകാരും പങ്കാളികളായാണ് സുധീറിനെ രക്ഷപെടുത്തിയത്.
Continue Reading