Education
കൊല്ലത്ത് ഹോസ്റ്റലില് രണ്ട് കായിക വിദ്യാര്ത്ഥിനികളെ മരിച്ച നിലയില് കണ്ടെത്തി
കൊല്ലം: ഹോസ്റ്റലില് രണ്ട് കായിക വിദ്യാര്ത്ഥിനികളെ മരിച്ച നിലയില് കണ്ടെത്തി. കൊല്ലത്തെ സായി ( സ്പോര്ട്ട്സ് അതോറിറ്റി ഓഫ് ഇന്ത്യ) ഹോസ്റ്റലിലാണ് സംഭവം. ഒരാള് തിരുവനന്തപുരം സ്വദേശിനിയും മറ്റേയാള് കോഴിക്കോട് സ്വദേശിനിയുമാണ്.
പ്ലസ് ടു, പത്താം ക്ലാസ് വിദ്യാര്ത്ഥിനികളാണ് മരിച്ചത്. ഹോസ്റ്റലില് തൂങ്ങി മരിച്ച നിലയിലായിരുന്നു മൃതദേഹങ്ങള്.രാവിലെ അഞ്ചുമണിയോടെ പ്രാക്ടീസിന് പോകാന് വേണ്ടി വാര്ഡനും മറ്റു വിദ്യാര്ത്ഥിനികളും വന്ന് വിളിച്ചിട്ടും ഇവര് വാതില് തുറന്നില്ല.
തുടര്ന്ന് വാതില് ബലമായി തള്ളിത്തുറന്നപ്പോഴാണ് രണ്ടു ഫാനുകളില് തൂങ്ങിയ നിലയില് മൃതദേഹങ്ങള് കണ്ടെത്തുന്നത്. ഉടന് തന്നെ വിവരം പോലീസില് അറിയിച്ചു.
തുടര്ന്ന് സിറ്റി പൊലീസ് കമ്മീഷണര് അടക്കം ഹോസ്റ്റലിലെത്തി. ആത്മഹത്യ ചെയ്യാനുള്ള കാരണം വ്യക്തമല്ല. സംഭവത്തില് അന്വേഷണം നടത്തിവരുന്നതായി പൊലീസ് അറിയിച്ചു
