ദുബായ് വിമാനത്താവളം താൽക്കാലികമായി അടച്ചു; യാത്രക്കാരുടെ സുരക്ഷയാണ് മുഖ്യമെന്ന് അധികൃതർ

ദുബായ്: ദുബായ് വിമാനത്താവളം താത്കാലികമായി അടച്ചു. ഇറാൻ-ഇസ്രയേൽ സംഘർഷം നിലനിൽക്കുന്ന പശ്ചാത്തലത്തിൽ യാത്രക്കാരുടേയും ജീവനക്കാരുടേയും സുരക്ഷ കണക്കിലെടുത്താണ് വിമാനത്താവളത്തിന്റെ പ്രവർത്തനം താത്കാലികമായി നിർത്തിവെച്ചതെന്നാണ് അധികൃതർ വിശദീകരിക്കുന്നത്.

യാത്രക്കാർ, വിമാനത്താവളത്തിലെ ജീവനക്കാർ എന്നിവരുടെ സുരക്ഷ കണക്കിലെടുത്താണ് വിമാനത്താവളം അടച്ചതെന്ന് ദുബായ് വിമാനത്താവള അധികൃതർ പ്രസ്താവനയിൽ അറിയിച്ചു. സുരക്ഷ വിലയിരുത്തി, സാഹചര്യങ്ങൾ മെച്ചപ്പെട്ട ശേഷം വിമാനത്താവളം സാധാരണ നിലയിൽ പ്രവർത്തിക്കുമെന്നും  അറിയിച്ചു.

ഇന്ന് കാലത്ത് ദുബായ് വിമാനത്താവളത്തിന് നേരെ ആക്രമണം ഉണ്ടായതായി റിപ്പോർട്ടുകളുണ്ടായിരുന്നു. വിവിധ ദൃശ്യങ്ങളും ഇതുമായി ബന്ധപ്പെട്ട് പ്രചരിച്ചിരുന്നു. എന്നാൽ ദുബായ് മീഡിയ ഓഫീസ് ഇക്കാര്യം നിഷേധിച്ചു. ഇത്തരത്തിൽ ഒരു ആക്രമണം ഇല്ല എന്നാണ് ദുബായ് അധികൃതർ പറയുന്നത്