പ്രശസ്ത ചലച്ചിത്ര സംവിധായകനും ഛായഗ്രാഹകനുമായ സംഗീത് ശിവൻ അന്തരിച്ചു

മുംബൈ പ്രശസ്ത ചലച്ചിത്ര സംവിധായകനും ഛായഗ്രാഹകനുമായ സംഗീത് ശിവൻ (65)​ അന്തരിച്ചു. മുംബയിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം.

യോദ്ധ,​ ഗാന്ധർവം,​ നിർണയം ഉൾപ്പെടെ നിരവധി ഹിറ്റ് സിനിമകളുടെ സംവിധായകനാണ്. മലയാളത്തിന് പുറമെ ഹിന്ദി ചിത്രങ്ങളും സംവിധാനം ചെയ്തിട്ടുണ്ട്. സണ്ണി ഡിയോളിനെ നായകനാക്കി ‘സോർ’ എന്ന ചിത്രമാണ് ഹിന്ദിയിൽ ആദ്യമായി സംവിധാനം ചെയ്തത്. തുടർന്ന് എട്ടോളം ഹിന്ദി ചിത്രങ്ങളുടെ സംവിധായകനായിരുന്നു.