മണിയാർ കരാർ നീട്ടുന്നതിൽ സർക്കാർ തലത്തിൽ ഭിന്നത; അന്തിമ  തീരുമാനം  മുഖ്യമന്ത്രി  എടുക്കും

തിരുവനന്തപുരം: മണിയാർ ജലവെെദ്യുത പദ്ധതിയുടെ കരാർ നീട്ടുന്നതുമായി ബന്ധപ്പെട്ട തീരുമാനത്തിൽ സർക്കാർ തലത്തിൽ ഭിന്നത. മണിയാർ പദ്ധതിയുടെ കരാർ നീട്ടരുതെന്നാണ് വെെദ്യുതി വകുപ്പിന്റെ നിലപാടെന്ന് മന്ത്രി കെ കൃഷ്ണൻകുട്ടി പറഞ്ഞു. കരാർ നീട്ടണമെന്ന വ്യവസായ വകുപ്പിന്റെ നിലപാടിൽ അന്തിമ തീരുമാനം ആയില്ലെന്നും മന്ത്രി വ്യക്തമാക്കി.

‘
ഇതിൽ അന്തിമ തീരുമാനം മുഖ്യമന്ത്രി എടുക്കുമെന്നും കൃഷ്ണൻകുട്ടി മാദ്ധ്യമങ്ങളോട് പറഞ്ഞു. മണിയാർ ജലവെെദ്യുത പദ്ധതിയുടെ കരാർ നീട്ടുന്നതിൽ വ്യവസായ വകുപ്പിനും വെെദ്യുതി വകുപ്പിനും രണ്ട് അഭിപ്രായമാണെന്നതാണ് മന്ത്രിയുടെ വിശദീകരണത്തിലൂടെ വ്യക്തമാകുന്നത്. മണിയാർ പദ്ധതി ഏറ്റെടുക്കണം എന്നാണ് വെെദ്യുതി ബോർഡിന്റെ അഭിപ്രായമെന്നും കൃഷ്ണൻകുട്ടി പറഞ്ഞു.എന്നാൽ കാർബോറണ്ടത്തിന് കരാർ നീട്ടി നൽകണം എന്നാണ് വ്യവസായ വകുപ്പിന്റെ നിലപാട്.

മ​ണി​യാ​ർ​ ​പ​ദ്ധ​തി​ 30​ ​വ​ർ​ഷ​ത്തേ​ക്കാ​ണ് ​കാർബോറണ്ടം ​ഗ്രൂപ്പിന് ​ന​ൽ​കി​യി​രു​ന്ന​ത്.​ 30​ ​വ​ർ​ഷം​ ​ക​ഴി​യു​മ്പോ​ൾ​ ​പ​ദ്ധ​തി​ ​കെഎ​സ്ഇബി​ക്ക് ​തി​രി​ച്ചു​ ​ന​ൽ​ക​ണം.​ ​ 30 വർഷത്തെ ബിഒടി അടിസ്ഥാനത്തിലുള്ള കരാർ കാലാവധി ഡിസംബറിൽ അവസാനിക്കാനിരിക്കെ കരാർ നീട്ടുന്നതുമായി ബന്ധപ്പെട്ട തീരുമാനത്തിലെ ഭിന്നത മറനീക്കി പുറത്തുവന്നത്.പ്രതിപക്ഷം ഉൾപ്പെടെ ഇതിനെതിരെ രംഗത്തുവന്നിരുന്നു. ​വൈ​ദ്യു​തി​ ​ബോ​ർ​ഡി​ന്റെ​ ​എ​തി​ർ​പ്പ് ​മ​റി​ ​ക​ട​ന്ന് ​മ​ണി​യാ​ർ​ ​ജ​ല​ ​വൈ​ദ്യു​ത​ ​പ​ദ്ധ​തി​യു​ടെ​ ​നി​യ​ന്ത്ര​ണം​ ​സ്വ​കാ​ര്യ​ ​ക​മ്പ​നി​യി​ൽ​ ​നി​ല​നി​റു​ത്താ​ൻ​ ​സ​ർ​ക്കാ​ർ​ ​ശ്ര​മി​ച്ച​തി​ന്​ ​പി​ന്നി​ൽ​ ​ന​ട​ന്ന​ത് ​കോ​ടി​ക​ളു​ടെ​ ​അ​ഴി​മ​തി​യാണെന്നാണ് ​പ്ര​തി​പ​ക്ഷ​ ​നേ​താ​വ് ​വി ഡി സ​തീ​ശ​ൻ പറഞ്ഞത്. പ​ദ്ധ​തി​ ​കെഎ​സ്ഇബി​ക്ക് ​മ​ട​ക്കി​ ​ന​ൽ​ക​ണം.​ മ​ണി​യാ​ർ​ ​പ​ദ്ധ​തി​യി​ലൂ​ടെ​ ​പ്ര​തി​വ​ർ​ഷം​ ​ല​ഭി​ക്കു​മാ​യി​രു​ന്ന​ 18​ ​കോ​ടി​യു​ടെ​ ​വൈ​ദ്യു​തി​ ​കെഎ​സ്ഇബി​യു​ടെ​ ​വാ​ർ​ഷി​ക​ ​ക​ണ​ക്കി​ൽ​ ​ഉ​ൾ​ക്കൊ​ള്ളി​ച്ചാ​ൽ​ ​അ​തി​ന്റെ​ ​ഗു​ണം​ ​ജ​ന​ങ്ങ​ൾ​ക്ക് ​ല​ഭി​ക്കു​മാ​യി​രു​ന്നു​വെ​ന്നും ​സതീ​ശ​ൻ​ ​ചൂ​ണ്ടി​ക്കാ​ട്ടി.