KERALA
കാസർകോഡ് :ദേശീയ പാതയിൽ വിളക്ക് സ്ഥാപിക്കുന്നതിനിടെ അപകടം : രണ്ട് തൊഴിലാളികൾ മരിച്ചു
കാസർകോഡ് :ദേശീയ പാതയിൽ വിളക്ക് സ്ഥാപിക്കുന്നതിനിടെ അപകടം : രണ്ട് തൊഴിലാളികൾ മരിച്ചു
.
കാസർകോഡ് :നിർമ്മാ ണം അവസാന ഘട്ടത്തിലെത്തിയ പുതിയ ദേശീയപാതയിൽ തെരുവ് വിളക്ക് സ്ഥാപിക്കുന്നതിനിടെ ക്രെയിൻ പൊട്ടിവീണ് രണ്ട് തൊഴിലാളികൾ മരിച്ചു. വടകര സ്വദേശികളായ അക്ഷയ് (30), അശ്വിൻ (26) എന്നിവരാണ് മരിച്ചത്.
ഇന്ന് ഉച്ചയോടെയാടെ മൊഗ്രാൽ പുത്തൂർ ദേശീയപാതയിൽ അപകടം നടന്നത്
തെരുവ് വിളക്ക് സ്ഥാപിക്കാൻ ക്രെയിൻ ഉപയോഗിക്കുകയായിരുന്നു അക്ഷയ്യും അശ്വിനും. ഇരുവരും നിന്നിരുന്ന ക്രെയിനിൻ്റെ ബോക്സ് തകർന്നു വീണാണ് അപകടം സംഭവിച്ചത്. ഗുരുതരമായി പരിക്കേറ്റ ഇരുവരേയും ഉടൻ തന്നെ കുമ്പള സഹകരണ ആശുപത്രിയിൽ എത്തിച്ചെങ്കിലും അക്ഷയ്യുടെ മരണം സംഭവിച്ചിരുന്നു.
നിലഗുരുതരമായതിനാൽ അശ്വിനെ ഉടൻ തന്നെ മംഗ്ളൂരുവിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
അപകടത്തെക്കുറിച്ച് വിവരമറിഞ്ഞ് കുമ്പള പോലീസ് സ്ഥലത്തെത്തി അന്വേഷണം ആരംഭിച്ചു. മൃതദേഹങ്ങൾ പോസ്റ്റ്മോർട്ടം നടപടികൾക്കായി കാസർകോട് ജനറൽ ആശുപത്രി മോർച്ചറിയിലേക്ക് മാറ്റി.
