പി. വത്സലയ്ക്ക് എഴുത്തച്ഛൻ പുരസ്കാരം

തിരുവനന്തപുരം: 2021 ലെ എഴുത്തച്ഛൻ പുരസ്കാരം നോവലിസ്റ്റും ചെറുകഥാകൃത്തുമായ പി. വത്സലയ്ക്ക്. സാഹിത്യത്തിനുള്ള സമഗ്രസംഭാവനയ്ക്ക് കേരള സർക്കാർ നൽകി വരുന്ന പരമോന്നത സാഹിത്യപുരസ്കാരമാണിത്. അഞ്ച് ലക്ഷം രൂപയും പ്രശസ്തി പത്രവും ശിൽപവുമടങ്ങുന്നതാണ് പുരസ്കാരം.

പി. വത്സല സാഹിത്യ പ്രവർത്തക സഹകരണ സംഘം ഡയറക്ടർ ബോർഡ് അംഗമായിരുന്നു. നെല്ല് ആണ് ഇവരുടെ ആദ്യനോവൽ. ഈ നോവൽ പിന്നീട് അതേ പേരിൽ തന്നെ രാമു കാര്യാട്ടിന്റെ സംവിധാനത്തിൽ ചലച്ചിത്രമായി. കേരള സാഹിത്യ അക്കാദമി പുരസ്കാരം, സി. എച്ച്. അവാർഡ്, കഥ അവാർഡ്, മുട്ടത്തുവർക്കി പുരസ്കാരം എന്നീ അംഗീകാരങ്ങൾ ലഭിച്ചിട്ടുണ്ട്.