ഇ​ന്ത്യ​ക്കാ​രു​ടെ ര​ണ്ടാ​മ​ത്തെ സം​ഘം പു​ല​ർ​ച്ചെ ഡ​ൽ​ഹി​യി​ലെ​ത്തി

ന്യൂ​ഡ​ൽ​ഹി: യു​ക്രെ​യ്നി​ൽ കു​ടു​ങ്ങി​യ ഇ​ന്ത്യ​ക്കാ​രു​ടെ ര​ണ്ടാ​മ​ത്തെ സം​ഘം ഇ​ന്ന് പു​ല​ർ​ച്ചെ 2.45 ഓടെ ഡ​ൽ​ഹി​യി​ലെ​ത്തി. റു​മാ​നി​യ​ൻ ത​ല​സ്ഥാ​ന​മാ​യ ബു​ക്കാ​റെ​സ്റ്റി​ൽ​നി​ന്നാ​ണ് 29 മ​ല​യാ​ളി​ക​ൾ ഉ​ൾ​പ്പെ​ടെ 251 പേ​രു​മാ​യി എ​യ​ർ ഇ​ന്ത്യ​യു​ടെ പ്ര​ത്യേ​ക വി​മാ​നം പ​റ​ന്നു​യ​ർ​ന്ന​ത്.

ഡ​ൽ​ഹി​യി​ലെ​ത്തി​യ സം​ഘ​ത്തെ കേ​ന്ദ്ര​മ​ന്ത്രി​മാ​രാ​യ ജ്യോ​തി​രാ​ദി​ത്യ സി​ന്ധ്യ​യും വി. ​മു​ര​ളീ​ധ​ര​നും ചേ​ർ​ന്ന് സ്വീ​ക​രി​ച്ചു. നേ​ര​ത്തെ യു​ക്രെ​യ്നി​ൽ കു​ടു​ങ്ങി​യ ഇ​ന്ത്യ​ക്കാ​രു​ടെ ആ​ദ്യ സം​ഘം മും​ബൈ​യി​ലെ​ത്തി​യി​രു​ന്നു. 27 മ​ല​യാ​ളി​ക​ൾ ഉ​ൾ​പ്പെ​ടെ 219 മും​ബൈ​യി​ലെ​ത്തി​യ​ത്.

യു​ക്രെ​യ്നി​ൽ ഇ​പ്പോ​ഴും കു​ടു​ങ്ങി​ക്കി​ട​ക്കു​ന്ന​വ​രെ തി​രി​ച്ചു കൊ​ണ്ടു​വ​രാ​ൻ സ​ർ​ക്കാ​ർ എ​ല്ലാ വ​ഴി​ക​ളും തേ​ടു​ക​യാ​ണ്. രക്ഷാദൗത്യത്തിന്റെ ഭാഗമായുള്ള എയർ ഇന്ത്യയുടെ മൂന്നാം വിമാനം ഇന്ന് തന്നെ ഡൽഹിയിലെത്തും. ഹംഗേറിയൻ തലസ്ഥാനമായ ബുഡാപെസ്റ്റിൽ നിന്നാണ് ഇന്ത്യക്കാരുമായുള്ള അടുത്ത വിമാനം എത്തുക.

യുദ്ധത്തെ തുടർന്ന് യുക്രൈൻ വ്യോമാതിർത്തി അടച്ചിട്ടിരിക്കുന്നതിനാൽ അയൽ രാജ്യങ്ങളായ റൊമാനിയയിലെ ബുക്കാറസ്റ്റിൽ നിന്നും ഹം​ഗറിയിലെ ബുഡാപെസ്റ്റിൽ നിന്നുമാണ് ഇന്ത്യക്കാരെ കൊണ്ടുവരുന്നത്.