പ്ലസ് വൺ വാർഷിക പരീക്ഷ ജൂൺ 13 മുതൽ 30 വരെ

തിരുവനന്തപുരം: സംസ്ഥാനത്തെ പ്ലസ് വൺ  വാർഷിക പരീക്ഷ ജൂൺ 13 മുതൽ 30 വരെ നടത്തുമെന്ന് വിദ്യാഭാസമന്ത്രി വി ശിവന്‍കുട്ടി അറിയിച്ചു. അഡ്മിഷന്‍ വൈകിയതും, കുട്ടികള്‍ക്ക് പഠിക്കാന്‍ സമയം അനുവദിക്കുന്നതിനുമായാണ് പരീക്ഷ മാറ്റി വച്ചത്.

പ്ലസ് വൺ മോഡൽ പരീക്ഷ ജൂൺ 2 മുതൽ നടത്തും.പ്ലസ് വൺ, വിഎച്ച്എസ്ഇ പരീക്ഷ ജൂൺ 2 മുതൽ 18 വരെ നടത്തുമെന്നായിരുന്നു നേരത്തേ അറിയിച്ചിരുന്നത്. രണ്ടാം വര്‍ഷ ഹയര്‍ സെക്കന്‍ഡറി ക്ലാസുകള്‍ പരീക്ഷ കഴിഞ്ഞ ഉടന്‍ ജൂലൈ ഒന്നിന് ആരംഭിക്കും.

അതേസമയം, സംസ്ഥാമത്ത് സ്കൂളുകൾ ജൂൺ 1-ന് തന്നെ തുറക്കുമെന്നും മന്ത്രി വി ശിവന്‍കുട്ടി അറിയിച്ചു. സംസ്ഥാനതല പ്രവേശനോത്സവം തിരുവനന്തപുരത്ത് നടത്തുമെന്നും കൊവിഡ് മാർഗ രേഖ പിന്തുടര്‍ന്നാകും പ്രവേശനോത്സവമെന്നും മന്ത്രി അറിയിച്ചു.