KERALA
രാജ്ഭവനിലേക്ക് കോണ്ഗ്രസ് നടത്തിയ മാര്ച്ചില് സംഘര്ഷം
തിരുവനന്തപുരം: രാജ്ഭവനിലേക്ക് കോണ്ഗ്രസ് നടത്തിയ മാര്ച്ചില് സംഘര്ഷം. ജലപീരങ്കിയും കണ്ണീര് വാതകവും പ്രയോഗിച്ചു. സ്ഥലത്ത് സംഘര്ഷാവസ്ഥ തുടരുകയാണ്. രാഹുല് ഗാന്ധിയെ തുടര്ച്ചയായി ഇ.ഡി ചോദ്യംചെയ്യുന്നതിനെതിരേ രാജ് ഭവന് മുന്നില് കോണ്ഗ്രസ് പ്രതിഷേധം സംഘടിപ്പിച്ചിരുന്നു.
കെപിസിസി അധ്യക്ഷന് കെ. സുധാകരന്, പ്രതിപക്ഷ നേതാവ് വി.ഡി സതീശന് തുടങ്ങിയവര് ഉദ്ഘാടനം കഴിഞ്ഞ് മടങ്ങിയ ശേഷമാണ് പോലീസും കോണ്ഗ്രസ് പ്രവര്ത്തകരും തമ്മില് സംഘര്ഷമുണ്ടായത്. രാജ് ഭവന് മുന്നില് മാര്ച്ച് തടയാന് പോലീസ് ബാരിക്കേഡ് സ്ഥാപിച്ചിരുന്നു. ഇത് മറികടക്കാനുള്ള ശ്രമത്തിനൊടുവിലാണ് സംഘര്ഷമുണ്ടായത്. ബാരിക്കേഡ് പ്രവര്ത്തകര് മറിച്ചിട്ടു. പോലീസ് ഇവരെ അനുനയിപ്പിക്കാന് ശ്രമിച്ചെങ്കിലും പ്രവര്ത്തകര് പിരിഞ്ഞുപോയില്ല. ഇതോടെ പോലീസ് രണ്ട് തവണ ജലപീരങ്കി പ്രയോഗിച്ചു. പിന്നാലെ കണ്ണീര് വാതകവും പ്രയോഗിച്ചു.
