പരിയാരം മെഡിക്കൽ കോളേജിന് സമീപം പിക്കപ്പ് വാനും ബൈക്കും കൂട്ടിയിടിച്ച് യുവതിയും സഹോദരനും മരിച്ചു

കണ്ണൂർ:പരിയാരം മെഡിക്കൽ കോളേജിന് സമീപം ദേശിയ പാതയിൽ അലക്യം പാലത്ത് പിക്കപ്പ് വാനും ബൈക്കും കൂട്ടിയിടിച്ചുണ്ടായ അപകടത്തിൽ യുവതിയും സഹോദരനും മരിച്ചു. പാച്ചേനി പൂമാലക്കാവിന് സമീപത്തെ അക്കരമ്മൽ ലക്ഷ്മണന്റെയും പടിഞ്ഞാറ്റ പുരയിൽ ഭാനുമതിയുടെയും മക്കളായ ലോപേഷ് (33) സ്നേഹ (23) എന്നിവരാണ് മരിച്ചത്. ഇന്ന് രാവിലെ എട്ടു മണിയോടെ ആയിരുന്നു അപകടം. സ്നേഹ, സംഭവ സ്ഥലത്ത് വെച്ചും ലോപേഷ് പരിയാരം മെഡിക്കൽ കോളേജിൽ വെച്ചുമാണ് മരിച്ചത്. ലോപേഷ് ആശാരിപ്പണിക്കാരനാണ് .ലോബ മറ്റൊരു സഹോദരിയാണ്. മൃതദേഹങ്ങൾ പരിയാരം മെഡിക്കൽ കോളേജ് ആശുപത്രിയിൽ .