മണിച്ചൻ ജയിൽ മാേചിതനായി. രണ്ട് പതിറ്റാണ്ടിനുശേഷമാണ് മോചിതനായത്

തിരുവനന്തപുരം: കല്ലുവാതുക്കൽ മദ്യദുരന്ത കേസിലെ പ്രതി മണിച്ചൻ ജയിൽ മാേചിതനായി. ഉച്ചയ്ക്ക് പന്ത്രണ്ടുമണിയോടെ നെട്ടുകാൽത്തേരിയിലെ തുറന്ന ജയിലിൽ നിന്ന് പുറത്തിറങ്ങിയ അദ്ദേഹം ബന്ധുക്കൾക്കൊപ്പം വീട്ടിലേക്ക് മടങ്ങുകയായിരുന്നു. മാദ്ധ്യമപ്രവർത്തകരുടെ ചോദ്യങ്ങൾക്കൊന്നും പ്രതികരിക്കാൻ മണിച്ചൻ കൂട്ടാക്കിയില്ല.
രണ്ട് പതിറ്റാണ്ടിനുശേഷമാണ് മണിച്ചൻ മോചിതനായത്. വിചാരണക്കോടതി വിധിച്ച 30.45 ലക്ഷം രൂപ പിഴ ഈടാക്കാതെ ഉടൻ മോചിപ്പിക്കാൻ സുപ്രീം കോടതി കഴിഞ്ഞദിവസം ഉത്തരവിട്ടിരുന്നു. ഇതോടെയാണ് അദ്ദേഹത്തിന്റെ മോചനം സാദ്ധ്യമായത്. ശിക്ഷ റദ്ദാക്കി സുപ്രീംകോടതി ബുധനാഴ്ച ഉത്തരവ് ഇറക്കിയെങ്കിലും ഉത്തരവ് ആഭ്യന്തര വകുപ്പിൽ എത്താത്തതിനാൽ മണിച്ചന് ഇന്നലെയും ജയിൽ മോചിതനാകാൻ കഴിഞ്ഞിരുന്നില്ല.