KERALA
കണ്ണൂര് ഡിസിസി മുന് പ്രസിഡന്റു സതീശന് പാച്ചേനി അന്തരിച്ചു
കണ്ണൂര് ഡിസിസി മുന് പ്രസിഡന്റു സതീശന് പാച്ചേനി അന്തരിച്ചു
കണ്ണൂര്: കോണ്ഗ്രസ് നേതാവും കണ്ണൂര് ഡിസിസി മുന് പ്രസിഡന്റുമായ സതീശന് പാച്ചേനി അന്തരിച്ചു. മസ്തിഷ്കാഘാതത്തെ തുടര്ന്ന് കണ്ണൂര് മിംസ് ആശുപത്രിയില് ചികിത്സയിലിരിക്കെയാണ് ഇന്ന് കാലത്ത് അന്ത്യം. കഴിഞ്ഞ വ്യാഴാഴ്ച വീട്ടില് കുഴഞ്ഞുവീണതിനെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്.കെപിസിസി ജനറല് സെക്രട്ടറിയായി പ്രവര്ത്തിച്ചിരുന്നു. കെ.എസ്.യുവിലൂടെയാണ് പൊതുപ്രവര്ത്തന രംഗത്ത് സജീവമായത്. സംഘടനയുടെ കണ്ണൂര് ജില്ലാ സെക്രട്ടറിയായ പാച്ചേനി 1999 ല് കെ.എസ്.യു സംസ്ഥാന അധ്യക്ഷനായി.
കണ്ണൂര് ഡിസിസി പ്രസിഡന്റായും പ്രവര്ത്തിച്ചിട്ടുള്ള സതീശന് പാച്ചേനിക്ക് പക്ഷേ തിരഞ്ഞെടുപ്പ് രാഷ്ട്രീയത്തിൽ വിജയം കണ്ടില്ല. അഞ്ച് തവണ നിയമസഭയിലേക്കും ഒരു തവണ ലോക്സഭയിലേക്കും മത്സരിച്ചിട്ടുള്ള അദ്ദേഹം നേരിയ ഭൂരിപക്ഷത്തിനാണ് പലപ്പോഴും പരാജയപ്പെട്ടത്.
