KERALA
ട്രെയിൻ യാത്രക്കാരുടെ ശ്രദ്ധയ്ക്ക് ചൊവ്വാഴ്ച ട്രെയ്നുകള്‍ക്ക് നിയന്ത്രണം
തിരുവനന്തപുരം: മധുര ഡിവിഷനിലെ സബ്‌വേ നിർമാണവുമായി ബന്ധപ്പെട്ട് ചൊവ്വാഴ്ച ട്രെയ്നുകള്‍ക്ക് നിയന്ത്രണം. ട്രെയ്‌നുകള്‍ ഭാഗികമായി റദ്ദാക്കുകയോ വഴിതിരിച്ചുവിടുകയോ ചെയ്യുമെന്ന് ദക്ഷിണ റെയ്‌ൽവേ അറിയിച്ചു.
തിരുച്ചിറപ്പള്ളി-തിരുവനന്തപുരം ഇന്‍റര്‍സിറ്റി എക്സ്പ്രസ് (22627) വിരുദുനഗര്‍ ജംക്‌ഷനില്‍ സര്‍വീസ് അവസാനിപ്പിക്കും.
തിരുച്ചിറപ്പള്ളിയിലേക്കുള്ള സര്‍വീസ് (22628) തിരുവനന്തപുരത്തിന് പകരം വിരുദുനഗര്‍ ജംക്‌ഷനില്‍ നിന്നാകും ആരംഭിക്കുക.
കോയമ്പത്തൂര്‍ ജംക്‌ഷന്‍-നാഗര്‍കോവില്‍ ജംക്‌ഷന്‍ എക്സ്പ്രസ്(16322) ദിണ്ടിഗല്‍ ജംക്‌ഷനില്‍ യാത്ര അവസാനിപ്പിക്കും.
16321 നമ്പര്‍ ട്രെയ്ന്‍ നാഗര്‍കോവിലിന് പകരം ദിണ്ടിഗല്‍ ജംക്‌ഷനില്‍ നിന്ന് സര്‍വീസ് ആരംഭിക്കും.
താംബരം-നാഗര്‍കോവില്‍ അന്ത്യോദയ സൂപ്പര്‍ഫാസ്റ്റ് (20691), നാഗര്‍കോവില്‍-താംബരം അന്ത്യോദയ(20692) എന്നിവയും നാഗര്‍കോവിലിന് പകരം ദിണ്ടിഗല്‍ ജംക്‌ഷനില്‍ സര്‍വീസ് അവസാനിപ്പിക്കുകയും ആരംഭിക്കുകയും ചെയ്യും.
തിങ്കളാഴ്ച രാത്രി സര്‍വീസ് ആരംഭിച്ച ഗുരുവായൂര്‍-ചെന്നൈ എഗ്മോര്‍ എക്സ്പ്രസ്(16128), ചൊവ്വാഴ്ച രാവിലെ പുറപ്പെടുന്ന നാഗര്‍കോവില്‍ ജംക്‌ഷന്‍-മുംബൈ സിഎസ്എംടി എക്സ്പ്രസ്(16340) എന്നിവ തെങ്കാശി വഴി സര്‍വീസ് നടത്തും.
അതേസമയം, ഖരഗ്പുര്‍ ഡിവിഷനിലെ ട്രാഫിക് നിയന്ത്രണങ്ങളുടെ ഭാഗമായി രണ്ട് ട്രെയ്‌നുകള്‍ റദ്ദാക്കിയിട്ടുണ്ട്. തിങ്കളാഴ്ച വൈകിട്ട് ഹൗറ ജംക്‌ഷനില്‍ നിന്ന് പുറപ്പെടേണ്ടിയിരുന്ന ഹൗറ ജംക്‌ഷന്‍-കന്യാകുമാരി പ്രതിവാര സൂപ്പര്‍ഫാസ്റ്റ്(12665), എറണാകുളത്ത് നിന്ന് പുറപ്പെടേണ്ട ഹൗറ ജംക്‌ഷന്‍ അന്ത്യോദയ പ്രതിവാര എക്സ്പ്രസ്(22878) എന്നിവ പൂര്‍ണമായും റദ്ദാക്കിയതായി ദക്ഷിണ റെയ്‌ൽവേ അറിയിച്ചു.”
