ഇൻറർ സ്കൂൾ കലോൽസവത്തിൽ ഓതേഴ്സ് ഫോറം പവലിയൻ ഉദ്ഘാടനം ചെയ്തു

ദോഹ: ഐഡിയൽ ഇന്ത്യൻ സ്കൂളിൽ നടന്നുകൊണ്ടിരിക്കുന്ന ഖത്തറിലെ ഇന്ത്യൻ ഇൻറർസ്കൂൾ കലോത്സവം, ‘കലാഞ്ജലി’യുടെ ഭാഗമായി ഖത്തർ ഇന്ത്യൻ ഓതേഴ്സ് ഫോറം ഒരുക്കിയ പവലിയൻ ഐഡിയൽ സ്കൂൾ പ്രിൻസിപ്പൽ ഷെയ്ക്ക് ഷമീം ഉദ്ഘാടനം ചെയ്തു. റേഡിയൊ മലയാളം 98.6 FM സി ഇ ഒ അൻവർ ഹുസൈൻ, ഫോറം പ്രസിഡന്റ് ഡോ. സാബു കെ.സി, ജനറൽ സെക്രട്ടറി ഹുസൈൻ കടന്നമണ്ണ ട്രഷററർ അൻസാർ അരിമ്പ്റ തുടങ്ങിയവരും മറ്റു ഭാരവാഹികളും അംഗങ്ങളും പങ്കെടുത്തു.

ഖത്തറിലെ മലയാളി എഴുത്തുകാരുടെ രചനകൾ പവലിയനിലെ പ്രദർശനത്തിൽ ഉൾപ്പെടുത്തിയിട്ടുണ്ട്.

നോവൽ, കഥ, കവിത, യാത്രാവിവരണം, ബാലസാഹിത്യം തുടങ്ങി വിഭാഗത്തിലെ നൂറുക്കണക്കിന് രചനകൾക്കൊപ്പം ചെറു പ്രായത്തിൽ തന്നെ ആറോളം പുസ്തകങ്ങൾ പ്രസിദ്ധീകരിച്ച ജൊയാക്കിം സനീഷ്, മൂന്ന് നോവലുകൾ പ്രസിദ്ധീകരിച്ച് ഗിന്നസ് ബുക്ക് ഓഫ് വേൾഡ് റെക്കോഡ്‌സിൽ ഇടം നേടിയ ലൈബ അബ്ദുൽ ബാസിത്ത്, നോവലിസ്റ്റ് മുഹമ്മദ് സിനാൻ എന്നിവരുടെ കൃതികളും പ്രദർശനത്തിൽ ഉണ്ട് .