Business
ഗൃഹാതുര മധുര സ്മൃതികളിലലിയാന്‍ ഷാര്‍ജ, റാസല്‍ഖൈമ സഫാരി ഹൈപ്പര്‍ മാര്‍ക്കറ്റുകളില്‍ മാമ്പഴ മേള
ഇടനിലക്കാരില്ലാതെ വിവിധ രാജ്യങ്ങളിലെ ഫാമുകളില്‍ നിന്നും നേരിട്ടെത്തിച്ച 65ല്‍ പരം ഇനങ്ങള്‍
ഷാര്‍ജ/റാസല്‍ഖൈമ: നാമെല്ലാവരുടെയും, വിശേഷിച്ചും മലയാളികളുടെ കുട്ടിക്കാലവുമായി ഏറെ ബന്ധപ്പെട്ടതാണ് മാമ്പഴക്കാലം. ലോകത്ത് ഏതാണ്ടെല്ലാ രാജ്യങ്ങളിലും മാമ്പഴമുണ്ട്. അതിനാല്‍ തന്നെ, എല്ലാവരുടെയും ഗൃഹാതുര മാമ്പഴ മധുര സ്മൃതികള്‍ പ്രവാസ ലോകത്തെത്തിക്കുകയാണ് യു.എ.ഇയിലെ ഏറ്റവും വലിയ ഹൈപ്പര്‍ മാര്‍ക്കറ്റ് ഉള്‍ക്കൊള്ളുന്ന സഫാരി. റാസല്‍ഖൈമയിലേയും ഷാര്‍ജയിലേയും സഫാരി ഹൈപ്പര്‍ മാര്‍ക്കറ്റുകളില്‍ മാംഗോ ഫെസ്റ്റിവല്‍ സംഘടിപ്പിക്കുന്നു. മെയ് 8ന് ഷാര്‍ജയിലേയും, റാസല്‍ഖൈമയിലെയും, സഫാരി മാള്‍ ഹൈപ്പര്‍ മാര്‍ക്കറ്റുകളില്‍ തുടക്കമായിരിക്കുന്നു.
മാംഗോ ഫെസ്റ്റിവലിന്റെ ഉദ്ഘാടനം സഫാരി ഗ്രൂപ്പ് ചെയര്‍മാന്‍ അബൂബക്കര്‍ മടപ്പാട്ട്, മാനേജിങ്ങ് ഡയറക്ടര്‍ സൈനുല്‍ ആബിദീന്‍, എക്സിക്യൂട്ടീവ് ഡയറക്ടര്‍ ഷമീം ബക്കര്‍ തുടങ്ങിയവര്‍ ചേര്‍ന്ന് നിര്‍വഹിച്ചു. ചാക്കോ ഊളക്കാടന്‍, സഫാരി ഹൈപ്പര്‍മാര്‍ക്കറ്റ് അസിസ്റ്റന്റ് പര്‍ച്ചേയ്‌സ് മാനേജര്‍ ഷാനവാസ്, സഫാരി മാള്‍ മീഡിയ മാര്‍ക്കറ്റിങ്ങ് മാനേജര്‍ ഫിറോസ് തുടങ്ങി മറ്റു സഫാരി മാനേജ്‌മെന്റ് പ്രതിനിധികളും ഉദ്ഘാടന ചടങ്ങില്‍ സംബന്ധിച്ചു.
ഇന്ത്യ, ബ്രസീല്‍, കൊളംബിയ, യെമന്‍, തായ്‌ലാന്റ്, കെനിയ തുടങ്ങിയ 10 രാജ്യങ്ങളില്‍ നിന്നും ഇറക്കുമതി ചെയ്ത 65ല്‍ പരം വൈവിധ്യമാര്‍ന്ന മാമ്പഴങ്ങളാണ്‌ ഇത്തവണ സഫാരി മാംഗോ ഫെസ്റ്റിവലിന്റെ സവിശേഷത യെന്ന്‌ സഫാരി ഗ്രൂപ്പ് ചെയര്‍മാന്‍ അൂബബക്കര്‍ മടപ്പാട്ട് പറഞ്ഞു.
റീടെയില്‍ രംഗത്തെ മറ്റുള്ളവര്‍ക്ക് അനുകരിക്കാന്‍ കഴിയാത്ത രീതിയില്‍ വിലക്കുറവും ഗുണമേന്മയും അവതരിപ്പിക്കുന്ന സഫാരി, ഈ മാംഗോ പ്രമോഷന് കാലയളവില്‍ ആവശ്യമായ മാമ്പഴങ്ങള്‍ മറ്റു രാജ്യങ്ങളില്‍ നിന്നും നേരിട്ട് വിമാന മാര്‍ഗം എത്തിക്കുന്നിനാല്‍ പുതുമയും ഗുണമേന്മയും നഷ്ടമാകുന്നില്ല. ഇതൊരു മികച്ച അവസരമായതിനാല്‍, മുഴുവന്‍ മാമ്പഴ പ്രേമികളെയും സഫാരി ഹൈപ്പര്‍ മാര്‍ക്കറ്റുകളിലേക്ക് ക്ഷണിക്കുന്നതായും അദ്ദേഹം അറിയിച്ചു.
ആവശ്യക്കാരേറെയുള്ള അല്‍ഫോന്‍സൊ, കേസരി, ബദാമി, തോത്താപുരി, മല്‍ഗോവ തുടങ്ങിയ ഇന്ത്യന്‍ മാങ്ങകളെ കൂടാതെ സിന്ദൂരം, പഞ്ചാരകുട്ടന്‍, പ്രിയൂര്‍, നീലം, മൂവാണ്ടന്‍ തുടങ്ങിയ നാടന്‍ മാങ്ങകളും ഉള്‍പ്പെടുത്തിയിട്ടുണ്ട്.
ഇതു കൂടാതെ, സഫാരി ബേക്കറി ആന്റ് ഹോട്ട്‌ ഫുഡ് വിഭാഗത്തിലും മാങ്ങ കൊണ്ടുള്ള വിഭവങ്ങള്‍ തയാറാക്കിയിട്ടുണ്ട്. മാംഗോ കേക്ക്, മാംഗോ റസ്മലായ്, മാങ്ങാ പായസം, ഫ്രഷ് മാങ്ങാ അച്ചാര്‍, മാങ്ങാ മീന്‍ കറി, മാങ്ങാ ചെമ്മീന്‍ കറി തുടങ്ങിയവയും, ഗ്രോസറി വിഭാഗത്തില്‍ മാങ്ങാ ബിസ്‌കറ്റ്‌സ്, മാംഗോ ഫ്‌ളേവറിലുള്ള മറ്റു ഉല്‍പന്നങ്ങള്‍, മാങ്ങാ അച്ചാറുകള്‍, മാംഗോ ഡ്രൈ ഫ്രൂട്‌സ് മാത്രമല്ല മാംഗോ ഫ്രഷ് ജ്യൂസ്, മാംഗോ ഐസ്‌ക്രീം എന്നിങ്ങനെയുള്ള വൈവിധ്യ ഉല്‍പന്നങ്ങളുമുണ്ട്.
