Crime
ടിടിസി വിദ്യാര്ഥിനിയുടെ ആത്മഹത്യയില് ആണ്സുഹൃത്ത് കസ്റ്റഡിയില്. യുവതിയെ മതംമാറാന് നിര്ബന്ധിച്ചു : വീട്ടില് പൂട്ടിയിട്ടു
കൊച്ചി: കോതമംഗലത്തെ ടി ടി സി വിദ്യാര്ഥിനിയുടെ ആത്മഹത്യയില് ആണ്സുഹൃത്തിനെ പോലീസ് കസ്റ്റഡിയിലെടുത്തു. കോതമംഗലം കറുകടം ഞാഞ്ഞൂള്മല നഗറില് കടിഞ്ഞുമ്മേല് പരേതനായ എല്ദോസിന്റെ മകള് സോനാ എല്ദോസിന്റെ (21) മരണത്തിലാണ് ആണ്സുഹൃത്തായ റമീസിനെ പോലീസ് കസ്റ്റഡിയിലെടുത്ത് ചോദ്യംചെയ്യുന്നത്.
ശനിയാഴ്ച ഉച്ചയ്ക്കാണ് സോനയെ തൂങ്ങിമരിച്ച നിലയില് കണ്ടെത്തിയത്. ഇതിനുപിന്നാലെയാണ് സോനയുടെ ആത്മഹത്യാക്കുറിപ്പ് വീട്ടില്നിന്ന് കണ്ടെടുത്തത്. ആണ്സുഹൃത്തായ റമീസും ഇയാളുടെ കുടുംബവും മതംമാറാന് നിര്ബന്ധിച്ചും വീട്ടില് പൂട്ടിയിട്ട് ഉപദ്രവിച്ചെന്നും ഉള്പ്പെടെയുള്ള ഗുരുതരമായ ആരോപണങ്ങളാണ് കുറിപ്പിലുള്ളത്. റമീസ് നെടുമ്പാശ്ശേരി വിമാനത്താവളത്തിലെ താത്കാലിക ജീവനക്കാരനാണ്.
വിവാഹംകഴിക്കണമെങ്കില് മതംമാറണമെന്നായിരുന്നു റമീസിന്റെയും കുടുംബത്തിന്റെയും നിര്ബന്ധം. ഇതിനിടെ രജിസ്റ്റര്വിവാഹം നടത്താമെന്ന് പറഞ്ഞ് റമീസ് കൂട്ടിക്കൊണ്ടുപോയി. എന്നാല്, വീട്ടില് പൂട്ടിയിട്ട് ഉപദ്രവിക്കുകയാണുണ്ടായതെന്നും ഇങ്ങനെ ചതിക്കപ്പെട്ട് ജീവിക്കാനാകില്ലെന്നും സോനയുടെ കുറിപ്പില് പറയുന്നു.സോനയുടെ പിതാവ് മൂന്നുമാസം മുന്പാണ് മരിച്ചത്.
ബിന്ദു എല്ദോസാണ് സോനയുടെ മാതാവ്. സഹോദരന്: ബേസില്.
