Crime
സഹോദരീ ഭർത്താവിന്റെ വീട്ടിൽ യുവതിയെ മരിച്ച നിലയിൽ കണ്ടെത്തി
ആലപ്പുഴ: ചേർത്തല കടക്കരപ്പള്ളിയിൽ സഹോദരീ ഭർത്താവിന്റെ വീട്ടിൽ യുവതിയെ മരിച്ച നിലയിൽ കണ്ടെത്തി. കടക്കരപ്പള്ളി തളിശേരിതറ ഹരികൃഷ്ണ (25) ആണ് മരിച്ചത്. സഹോദരി ഭർത്താവ് കടക്കരപ്പള്ളി പുത്തൻകാട്ടിൽ രതീഷിനെ വീട്ടിൽനിന്നു കാണാതായിട്ടുണ്ട്.
സഹോദരി നീതു താമസിക്കുന്ന അഞ്ചാം വാർഡ് പുത്തൻകാട്ടുങ്കൽ വീട്ടിലാണ് മൃതദേഹം കാണപ്പെട്ടത്.നീതുവിൻ്റെ ഭർത്താവ് ഉണ്ണി എന്ന് വിളിക്കുന്ന രതീഷിനെ കാണ്മാനില്ലായിരുന്നു.
എറണാകുളം മെഡിക്കൽ സെൻ്ററിലെ നഴ്സായ നീതുവിന് വെള്ളിയാഴ്ച നൈറ്റ് ഡ്യൂട്ടിയായിരുന്നു. വണ്ടാനത്ത് നിന്നെത്തിയ ഹരികൃഷ്ണയുമായി രതീഷ് രാത്രി വീട്ടിലെത്തിയിരുന്നു എന്നാണ് സൂചന. രാവിലെ തങ്കി കവലയിൽ സൈക്കിൾ വച്ച ശേഷം ബസിലാണ് വണ്ടാനത്തേക്ക് പോയത്.
തിരികെ ഇവിടെയെത്തി സൈക്കിൾ എടുത്തിട്ടില്ല. ഇരുവരെയും കാണാതായതിനെ തുടർന്ന്‌ നടത്തിയ അന്വേഷണത്തിലാണ് ഹരികൃഷ്ണയെ മരിച്ച നിലയിൽ കണ്ടത്. രതീഷിനെ കാണാതാവുകയും ചെയ്തു. ബലപ്രയോഗം നടന്നതായി സൂചനയുണ്ട്.
ആലപ്പുഴ ജില്ലാ പോലീസ് മേധാവി ജി.ജയദേവ്,ചേർത്തല ഡി.വൈ.എസ്.പി.വിനോദ് പിള്ള, പട്ടണക്കാട് ഇൻസ്പെക്റ്റർ ആർ.എസ്.ബിജു തുടങ്ങിയവർ സ്ഥലത്തെത്തി അന്വേഷണം ആരംഭിച്ചു. ഫൊറൻസിക് വിദഗ്ദരും, ഡോഗ് സ്ക്വാഡും എത്തി തെളിവ്കൾ ശേഖരിച്ചു.
മന്ത്രി പി.പ്രസാദ്,മുൻ മന്ത്രി പി.തിലോത്തമൻ തുടങ്ങിയവർ സംഭവ സ്ഥലത്തെത്തി. മൃതദേഹം ആലപ്പുഴ മെഡിക്കൽ കോളേജ് ആശുപത്രി മോർച്ചറിയിലേയ്ക്ക് മാറ്റി. മരണത്തിൽ ദുരൂഹതയുള്ളതായാണ് പ്രാഥമിക സൂചന.
പോസ്റ്റ്മോർട്ടവും മറ്റുംകഴിഞ്ഞതിന് ശേഷംകൂടുതൽ വിവരം പറയാമെന്ന്പോലീസ്അറിയിച്ചു.
