KERALA
കുഞ്ഞാലിക്കുട്ടിക്കെതിരായ പോരാട്ടം ശക്തമായി തുടരുമെന്ന് കെ.ടി.ജലീൽ
തിരുവനന്തപുരം: പി.കെ.കുഞ്ഞാലിക്കുട്ടിക്കെതിരായ പോരാട്ടം ശക്തമായി തുടരുമെന്ന് മുൻമന്ത്രിയും എംഎൽഎയുമായ കെ.ടി.ജലീൽ. എആർ നഗർ സഹകരണ ബാങ്ക് വിഷയത്തിൽ ജലീലിനെ മുഖ്യമന്ത്രി പരസ്യമായി തള്ളപ്പറഞ്ഞതിന് പിന്നാലെ ഇന്ന് രാവിലെ ഇരുവരും കൂടിക്കാഴ്ച നടത്തി. ജലീൽ ഫേസ്ബുക്കിലൂടെയാണ് ഇക്കാര്യം വ്യക്തമാക്കിയത്.
രാവിലെ മുഖ്യമന്ത്രിയെ കണ്ടു വിശദമായി കാര്യങ്ങൾ സംസാരിച്ചുവെന്നും കുഞ്ഞാലിക്കുട്ടിയും കള്ളപ്പണ, ഹവാല ഇടപാടുകളുടെ സത്യാവസ്ഥ പുറത്തുകൊണ്ടുവരാൻ പോരാട്ടം തുടരുമെന്നും അദ്ദേഹം ഫേസ്ബുക്കിൽ കുറിച്ചു. 2006-ൽ ഇടതു പിന്തുണയോടെ അങ്കത്തട്ടിൽ ലക്ഷ്യം കണ്ടിട്ടുണ്ടെങ്കിൽ 2021-ലും ലക്ഷ്യം കാണുമെന്നും കെ.ടി.ജലീൽ ചൂണ്ടിക്കാട്ടി.
