KERALA
നാളത്തോടെ സംസ്ഥാനത്തെ പവർകട്ട് പ്രശ്‌നം പരിഹരിക്കപ്പെടുമെന്നു വൈദ്യുതി മന്ത്രി
തിരുവനന്തപുരം: നാളെ ആന്ധ്രയിൽ നിന്നും വൈദ്യതി എത്തിക്കുമെന്നും നാളത്തോടെ തന്നെ സംസ്ഥാനത്തെ പവർകട്ട് പ്രശ്‌നം പരിഹരിക്കപ്പെടുമെന്നും വൈദ്യുതി മന്ത്രി കെ.കൃഷ്‌ണൻകുട്ടി
പ്രത്യാശ പ്രകടിപ്പിച്ചു.
സംസ്ഥാനത്ത് നിലവിൽ 300 മെഗാ വാട്ട് കുറവാണ് ഉള‌ളത്ജലവൈദ്യുത പദ്ധതികൾ കൊണ്ടാണ് സംസ്ഥാനം ഒരുവിധത്തിൽ പിടിച്ചുനിൽക്കുന്നത്.
മറ്റ് സംസ്ഥാനങ്ങളിൽ നാല് മുതൽ എട്ട് മണിക്കൂർ വരെ പവർകട്ടുണ്ട്. ഇവിടെ ജലവൈദ്യുതി പദ്ധതികൾ ഉള‌ളതു കൊണ്ടാണ് പ്രശ്‌നമില്ലാതെ നീങ്ങുന്നത്. ജലവൈദ്യുത പദ്ധതികളെക്കുറിച്ച് അനാവശ്യമായി എതിർക്കാതെ മാദ്ധ്യമങ്ങൾ സഹായിക്കണമെന്നും മന്ത്രി ആവശ്യപ്പെട്ടു. ജനങ്ങൾ വൈദ്യുതി ഉപഭോഗം നിയന്ത്രിച്ച് സർക്കാരിനോട് സഹകരിക്കണം. അഞ്ച് ലൈറ്റ് കത്തിക്കുന്നതിന് മൂന്ന് ലൈറ്റാക്കിയാൽ താനെ അത് നിയന്ത്രിക്കാം. എന്നാൽ സഹകരിക്കണമെന്ന് പറയുന്നവർ തന്നെ വൈദ്യുതി അധിക ഉപയോഗം നടത്തുകയാണെന്ന് മന്ത്രി വിമർശിച്ചു
