Entertainment
ചലച്ചിത്ര പുരസ്കാര ജൂറിയെ വിമര്ശിച്ച് നടന് ഇന്ദ്രന്സ്
കൊച്ചി : സംസ്ഥാന ചലച്ചിത്ര പുരസ്കാര ജൂറിയെ വിമര്ശിച്ച് നടന് ഇന്ദ്രന്സ്. ഹോം എന്ന സിനിമയെ തഴഞ്ഞതിനെ തിരെയാണ് വിമർശനം ചിത്രത്തിലെ അഭിനയത്തിന് ഇന്ദ്രന്സിന് മികച്ച നടനുള്ള പുരസ്കാരത്തിന് പരിഗണിക്കാതിരുന്നതില് സമൂഹമാധ്യമങ്ങളില് വിമര്ശനം ശക്തമാണ്. മികച്ച നടിയായി മഞ്ജു പിള്ളയെ പരിഗണിക്കാത്തതിലും ജൂറിയെ കുറ്റപ്പെടുത്തുന്നുണ്ട്. യുവ നടിയെ പിഡിപ്പിച്ച കേസിലെ പ്രതിയായ നിര്മാതാവും നടനുമായ വിജയ് ബാബു നിര്മിച്ച ചിത്രമാണ് ഹോം. അതുകൊണ്ടാണ് സിനിമയെ തഴഞ്ഞതെന്നും പരാതിയുയർന്നിരുന്നു..ഹോം ജൂറി കണ്ടിട്ടുണ്ടാകില്ലെന്ന് ഇന്ദ്രന്സ് പറഞ്ഞു. വീട്ടിലെ ഒരാള് തെറ്റ് ചെയ്താല് മുഴുവന് കുടുംബത്തെയും ശിക്ഷിക്കുമോ എന്നും ഇന്ദ്രന്സ് ചോദിച്ചു.
വ്യക്തിപരമായി എനിക്ക് പുരസ്കാരം ലഭിക്കാത്തതില് വിഷമമില്ല. എന്നാല് സിനിമയെ പൂര്ണമായി തഴഞ്ഞതെന്തിന് എന്നറിയില്ല. ഹോം സിനിമ ജൂറി കണ്ടിട്ടുണ്ടാകില്ല. കണ്ടവരെല്ലാം മികച്ച അഭിപ്രായം പറഞ്ഞിരുന്നു. സിനിമയെ ഒഴിവാക്കാന് ആദ്യമേ കാരണം കണ്ടുവച്ചിട്ടുണ്ടാകാം. വീട്ടിലെ ഒരാള് തെറ്റ് ചെയ്താല് മുഴുവന് കുടുംബത്തെയും ശിക്ഷിക്കുമോ?. കുറ്റവാളി നിരപരാധിയാണെന്ന് തെളിഞ്ഞാല് ജൂറി വീണ്ടും സിനിമ കാണുമോ? ഇന്ദ്രന്സ് ചോദിച്ചു.
