കേരളത്തിലെ മാധ്യമങ്ങളും വലത്പക്ഷ ഭരണകൂടങ്ങളുടെ ആയുധമാകുന്നു. രാജീവ് ശങ്കർ..

ദോഹ: അനാവശ്യമായ സംശയങ്ങൾ സൃഷ്ടിച്ചു കൊണ്ട് കാതലായ വിഷയത്തെ തമസ്ക്കരിക്കുന്ന അജണ്ടകളാണ് മാധ്യമ സ്വാധീനം ശക്തമായ കേരളത്തിൽ പോലും നടന്നുകൊണ്ടിരിക്കുന്നത്. ഈ ചെറിയ തുരുത്തായ കേരളം പരോക്ഷമായി വലത് പക്ഷഭരണകൂടങ്ങളുടെ ആയുധങ്ങളായി മാറി കൊണ്ടിരിക്കുകയാണ് രാജീവ് ശങ്കർ പറഞ്ഞു. ഖത്തർ മലയാളി സമ്മേളനത്തിന്റെ ഭാഗമായി മാധ്യമനൈതികത എന്ന വിഷയത്തിൽ സംഘടിപ്പിച്ച മീഡിയ സെമിനറിൽ മുഖ്യ പ്രഭാഷണം നടത്തുകയായിരുന്നു അദ്ദേഹം.
ദർവീഷ് അഹമ്മദ് അൽ ഷെബാനി ഫോർമർ സെക്രട്ടറി ജനറൽ കത്താറ ഡിപ്ളോമസി സെമിനാർ ഉദ്ഘാടനം ചെയ്തു.
ഫാസിസവും സയണിസവും സാമ്രജ്യത്വവും കൈകോർക്കുന്ന നവലോക ക്രമത്തിൽ മാനവികമൂല്യങ്ങൾ ഉയർത്തി പിടിച്ച് മുന്നോട്ട് പോകാൻ നമ്മുക്ക് കഴിയണമെന്ന് റിഹാസ് പുലാമന്തോൾ പറഞ്ഞു.

അമീർ ഷാജി സ്വാഗതവും ഫായിസ് എളയോടൻ നന്ദിയും പറഞ്ഞു.