ജെഎൻയു സർവകലാശാലയിൽ സംഘർഷം. എബിവിപി പ്രവർത്തകരും ഇടതു സംഘടനകളിൽപ്പെട്ടവരും ഏറ്റുമുട്ടി

ന്യൂഡൽഹി∙ജെഎൻയു സർവകലാശാലയിൽ കൂട്ടയടി നിരവധി വിദ്യാർത്ഥികൾക്ക് പരിക്ക് ‘വിദ്യാർഥി യൂണിയൻ തിരഞ്ഞെടുപ്പു കമ്മിറ്റി രൂപീകരണവുമായി ബന്ധപ്പെട്ട യോഗത്തിനിടെയാണ് സംഘർഷം. എബിവിപി പ്രവർത്തകരും ഇടതു സംഘടനകളിൽപ്പെട്ടവരുമാണ് ഏറ്റുമുട്ടിയത്. പരുക്കേറ്റവരെ സഫ്ദർജങ് ആശുപത്രിയിൽ പ്രവേശിപ്പിച്ചതായി യൂണിവേഴ്സിറ്റി അധികൃതർ അറിയിച്ചു.

ഇന്നലെ രാത്രിയാണു ക്യാംപസിൽ സംഘർഷമുണ്ടായത്. ഇരുവിഭാഗവും പൊലീസിൽ പരാതി നൽകി. സംഘർഷത്തിന്റെ വിഡിയോ ദൃശ്യങ്ങളും പുറത്തുവന്നു. സൈക്കിൾ വിദ്യാർഥികളുടെ നേർക്ക് ഒരാൾ വലിച്ചെറിയുന്നതു വിഡിയോയിൽ കാണാം. വടികൊണ്ട് വിദ്യാർഥികളെ ഒരാൾ അടിക്കുന്നതും മറ്റൊരു വിഡിയോയിലുണ്ട്.