കുവൈറ്റിൽ വീണ്ടും തീപിടിത്തം.9 പേര്‍ക്ക് പരുക്കേറ്റു. മൂന്നുപേരുടെ നില ഗുരുതരം ‘എല്ലാവരും ഇന്ത്യക്കാർ

കുവൈറ്റ് സിറ്റി: കുവൈറ്റിൽ വീണ്ടും തീപിടിത്തം. കേരളത്തെയാകെ കണ്ണീരിലാഴ്തിയ തീപിടിത്തത്തിന്‍റെ ഞെട്ടൽ മാറും മുൻപാണ് കുവൈറ്റിൽ നിന്നും വീണ്ടും തീപിടിത്തത്തിന്‍റെ വാർത്ത വരുന്നത്. മെഹബൂലയിലെ കെട്ടിടത്തിലുണ്ടായ തീപിടുത്തത്തില്‍ 9 പേര്‍ക്ക് പരുക്കേറ്റു. അവരെ അദാന്‍ ആശുപത്രിയില്‍ പ്രവേശിപ്പിച്ചു. പരുക്കേറ്റവരില്‍ മൂന്നുപേരുടെ നില ഗുരുതരമാണ്. പരുക്കേറ്റവരില്‍ എല്ലാവരും ഇന്ത്യക്കാരാണെന്നാണ് റിപ്പോര്‍ട്ട്.