ബെവ്‌കോ ഔട്ട്‌ലെറ്റുകള്‍ക്ക് ഇന്ന് രാത്രി ഏഴ് മണി വരെ മാത്രംരണ്ട് ദിവസം സമ്പൂര്‍ണ ഡ്രൈ ഡേ

തിരുവനന്തപുരം: കേരളത്തില്‍ ഇന്ന് 7 മണിക്ക് ബെവ്‌കോ ഔട്ട്‌ലെറ്റുകള്‍ക്ക് പൂട്ട് വീഴും. പിന്നീട് 2 ദിവസം സമ്പൂര്‍ണ ഡ്രൈ ഡേ ആയിരിക്കും. സ്റ്റോക്കെടുപ്പ് പ്രമാണിച്ചാണ് ഇന്ന് വൈകിട്ട് 7 മണിയോടെ സംസ്ഥാനത്തെ ബെവ്‌കോ മദ്യവില്‍പ്പന ശാലകള്‍ അടയ്ക്കുന്നത്.

നാളെ ഒന്നാം തിയതി ഡ്രൈ ഡേയും മറ്റന്നാള്‍ ഗാന്ധി ജയന്തി ആയതിനാലുള്ള ഡ്രൈ ഡെയുമാണ്. ഇന്ന് 11 മണിവരെ ബാറുകള്‍ പ്രവര്‍ത്തിക്കുമെങ്കിലും നാളെയും മറ്റന്നാളും ബാറുകളടക്കം സംസ്ഥാനത്തെ എല്ലാ മദ്യ വില്‍പ്പന ശാലകളും അടഞ്ഞുകിടക്കും.