KERALA
ജൂലൈ എട്ടിന് സംസ്ഥാനത്തെ സ്വകാര്യ ബസുകള് പണിമുടക്കും.
തൃശൂര്: ജൂലൈ എട്ടിന് സംസ്ഥാനത്തെ സ്വകാര്യ ബസുകള് പണിമുടക്കും. വിദ്യാര്ഥികളുടെ യാത്രാനിരക്ക് വര്ധന ഉള്പ്പെടെയുള്ള ആവശ്യങ്ങൾ ഉന്നയിച്ചുകൊണ്ടാണ് സമരം. സാഹിത്യ അക്കാദമി ഹാളില് നടന്ന ബസുടമ സംയുക്ത സമിതി സമര പ്രഖ്യാപന കണ്വന്ഷനിലാണ് തീരുമാനം
ആവശ്യങ്ങൾ നടപ്പാക്കിയില്ലെങ്കില് ജൂലൈ 22 മുതല് അനിശ്ചിതകാല സമരം തുടങ്ങുമെന്നും ബസ് ഉടമകളുടെ സംയുക്ത സമരസമിതി പ്രഖ്യാപിച്ചു.
140 കിലോമീറ്ററിൽ അധികം വരുന്ന സ്വകാര്യ ബസുകളുടെ പെര്മിറ്റുകള് പുതുക്കി നല്കുക, വിദ്യാര്ഥികളുടെ യാത്രാനിരക്കില് കാലോചിതമായ വര്ധനവ് നടപ്പിലാക്കുക, കെ.എസ്.ആര്.ടി.സിയില് നടപ്പിലാക്കിയിരിക്കുന്ന തരത്തില് അര്ഹതപ്പെട്ട വിദ്യാര്ഥികള്ക്ക് മാത്രം കണ്സെഷന് ലഭിക്കുന്ന തരത്തില് ആപ്പ് മുഖേന കാര്ഡ് വിതരണം ചെയ്യുന്നതിനുള്ള നടപടികള് സ്വീകരിക്കുക എന്നിവയാണ് ആവശ്യങ്ങൾ.
ബസ് ഉടമകളില്നിന്നും അമിതമായ പിഴ ഈടാക്കുന്ന നടപടികള് അവസാനിപ്പിക്കുക, ബസ് ജീവനക്കാര്ക്ക് പൊലീസ് ക്ലിയറൻസ് സർട്ടിഫിക്കറ്റ് വേണമെന്നുള്ള തീരുമാനം പിന്വലിക്കുക എന്നീ ആവശ്യങ്ങളും കൺവെൻഷനിൽ ഉന്നയിച്ചു.
