KERALA
കെ. സുധാകരനോട് ക്ഷമ ചോദിച്ച് ഷാനിമോള് ഉസ്മാന്
ആലപ്പുഴ: കെ. സുധാകരനോട് ക്ഷമ ചോദിച്ച് ഷാനിമോള് ഉസ്മാന് എംഎല്എ. ഫേസ്ബുക്ക് കുറിപ്പിലൂടെയാണ് ഷാനിമോള് ഖേദം പ്രകടിപ്പിച്ചത്. സുധാകരനുമായി സംസാരിക്കാതെ പ്രതികരിച്ചതില് ഖേദം പ്രകടിപ്പിക്കുന്നുവെന്നും തന്റെ പ്രസ്താവനയുമായി മറ്റ് നേതാക്കള്ക്ക് ബന്ധമില്ലെന്നും ഷാനിമോള് പറഞ്ഞു. ഈ വിവാദം ഇവിടെ അവസാനിപ്പിക്കണമെന്ന് അഭ്യർഥിക്കുന്നുവെന്നും ഷാനിമോൾ കുറിച്ചു.
മുഖ്യമന്ത്രി പിണറായി വിജയനെതിരായ സുധാകരന്റെ ചെത്തുകാരന്റെ മകന് പ്രസ്താവനയ്ക്കെതിരെയാണ് ഷാനിമോള് ഉസ്മാന് പരസ്യനിലപാട് സ്വീകരിച്ചത്. കൂടാതെ പ്രതിപക്ഷ നേതാവ് രമേശ് ചെന്നിത്തലയും സുധാകരനെതിരെ രംഗത്തെത്തിയിരുന്നു.
താൻ പറഞ്ഞ പ്രസ്താവന പിൻവലിക്കില്ലെന്ന് പറഞ്ഞ സുധാകരൻ, ചെന്നിത്തലയുടെ നിലപാട് തെറ്റാണെന്നും ചൂണ്ടിക്കാട്ടിയിരുന്നു.സംഭവം വലിയ വിവാദത്തിന് കാരണമായ സാഹചര്യത്തിലാണ് സുധാകരനോട് പരസ്യമായി മാപ്പ് ചോദിച്ച് ഷാനിമോള് രംഗത്തെത്തിയത്.
