ഇന്ധനവില വർദ്ധിപ്പിച്ചു. പെട്രോളിനും ഡീസലിനും ലിറ്ററിന് മൂന്ന് രൂപ വീതം വർദ്ധിപ്പിച്ചു

ന്യൂഡൽഹി: അന്താരാഷ്ട്ര വിപണിയിലെ ക്രൂഡ് ഓയിൽ നിരക്ക് ഉയർന്നതിന് പിന്നാലെ രാജ്യത്ത് ഇന്ധനവില വർദ്ധിപ്പിച്ചു. പെട്രോളിനും ഡീസലിനും ലിറ്ററിന് മൂന്ന് രൂപ വീതമാണ് വർദ്ധിപ്പിച്ചിരിക്കുന്നത്. ഇന്നുമുതൽ പുതിയ നിരക്ക് പ്രാബല്യത്തിൽ വരും.

ഡൽഹിയിൽ പെട്രോൾ വില ലിറ്ററിന് 94.77 രൂപയിൽ നിന്ന് 97.77 രൂപയായും ഡീസൽ വില 87.67 രൂപയിൽ നിന്ന് 90.67 രൂപയായും വർദ്ധിച്ചു. കൊൽക്കത്തയിൽ പെട്രോൾ വില ലിറ്ററിന് 108.74 രൂപയായും ഡീസലിന് 95.13 രൂപയായും ഉയർന്നു.

മുംബൈയിൽ പെട്രോൾ വില 3.14 രൂപ വർദ്ധനയോടെ 106.68 രൂപയിലെത്തി. ഡീസൽ 3.11 രൂപ വർദ്ധനയ്ക്ക് ശേഷം 93.14 രൂപയായി. ചെന്നൈയിലും കുത്തനെ വർദ്ധനവ് രേഖപ്പെടുത്തി. പെട്രോൾ വില 2.83 രൂപ വർദ്ധനയോടെ 103.67 രൂപയായും ഡീസൽ വില 2.86 രൂപ വർദ്ധനയോടെ 95.25 രൂപയായും ഉയർന്നു. തിരുവനന്തപുരത്ത് പെട്രോളിന് 110.76 രൂപയും ഡീസലിന് വില 99.26 രൂപയായും ഉയർന്നു.

പൊ​തു​മേ​ഖ​ല​ ​എ​ണ്ണ​ക്ക​മ്പ​നി​ക​ളു​ടെ​ ​ന​ഷ്‌​ടം​ ​കു​തി​ച്ചു​യ​രു​ന്ന​തി​നാ​ൽ​ ​പെ​ട്രോ​ൾ,​ ​ഡീ​സ​ൽ​ ​എ​ന്നി​വ​യു​ടെ​ ​വി​ല​വ​ർ​ദ്ധ​ന​ ​അ​നി​വാ​ര്യ​മാ​ണെ​ന്ന് ​റി​സ​ർ​വ് ​ബാ​ങ്ക് ​ഗ​വ​ർ​ണ​ർ​ ​സ​ഞ്ജ​യ് ​മ​ൽ​ഹോ​ത്ര കഴിഞ്ഞദിവസം​ ​പ​റ​ഞ്ഞിരുന്നു.​ ​യു​ദ്ധം​ ​അ​ന​ന്ത​മാ​യി​ ​നീ​ളു​ന്ന​തി​നാ​ൽ​ ​ഇ​ന്ധ​ന​ ​വി​ല​ ​വ​ർ​ദ്ധി​പ്പി​ക്കാ​തെ​ ​മു​ന്നോ​ട്ടു​പോ​കാ​ൻ​ ​ക​ഴി​യി​ല്ലെ​ന്നും​ ​അ​ദ്ദേ​ഹം​ ​വ്യക്തമാക്കിയിരുന്നു. ഇന്ത്യയുടെ അസംസ്കൃത എണ്ണ ആവശ്യകതയുടെ 90 ശതമാനവും ഇറക്കുമതി ചെയ്യുന്നവയാണ്.