Crime
നിയമസഭാ കൈയാങ്കളി കേ സ് പരിഗണിക്കുന്നത് ഓഗസ്റ്റ് 31-ലേക്ക് മാറ്റി
:
തിരുവനന്തപുരം: നിയമസഭാ കൈയാങ്കളി കേസിലെ പ്രതികളുടെ വിടുതൽ ഹർജി പരിഗണിക്കുന്നത് ഓഗസ്റ്റ് 31-ലേക്ക് മാറ്റി. തിരുവനന്തപുരം സിജഐം കോടതിയാണ് ഹർജി ഇന്ന് പരിഗണിച്ചത്.
അതിനിടെ കേസിൽ കക്ഷി ചേരാൻ രമേശ് ചെന്നിത്തല എംഎൽഎ അപേക്ഷ നൽകി. ചെന്നിത്തലയ്ക്ക് കേസിൽ കക്ഷി ചേരാൻ കഴിയില്ലെന്നാണ് പ്രോസിക്യൂഷന്റെ അവകാശവാദം.
2015 മാർച്ചിൽ ബജറ്റ് അവതരണത്തിനിടെ ധനമന്ത്രി കെ.എം.മാണിയെ തടയാൻ ശ്രമിച്ചതുമായി ബന്ധപ്പെട്ട് നിയമസഭയിലുണ്ടായ സംഘർഷമാണ് കേസിന് കാരണം. മന്ത്രി വി.ശിവൻകുട്ടി, കെ.ടി.ജലീൽ എംഎൽഎ, മുൻമന്ത്രി ഇ.പി.ജയരാൻ, കെ.അജിത്ത്, കെ.കുഞ്ഞഹമ്മദ് മാസ്റ്റർ, സി.കെ.സദാശിവൻ എന്നിവർക്കെതിരേയാണ് കേസ്.
കേസ് റദ്ദാക്കണമെന്ന് ആവശ്യപ്പെട്ട് അടുത്തിടെ സർക്കാർ സുപ്രീംകോടതിയെ സമീപിച്ചെങ്കിലും പ്രതികളെല്ലാം വിചാരണ നേരിടണമെന്ന ഉത്തരവാണ്സുപ്രീംകോടതി പുറപ്പെടുവിച്ചിരുന്നത്.
