KERALA
സംസ്ഥാനത്തിന്റെ നേട്ടങ്ങൾ ചൂണ്ടി പറഞ്ഞ് ഗവർണറുടെ നയപ്രഖ്യാപന പ്രസംഗം
സംസ്ഥാനത്തിന്റെ നേട്ടങ്ങൾ ചൂണ്ടി പറഞ്ഞ് ഗവർണറുടെ നയപ്രഖ്യാപന പ്രസംഗം
തിരുവനന്തപുരം: സംസ്ഥാനത്തിന്റെ നേട്ടങ്ങൾ ചൂണ്ടി പറഞ്ഞ് ഗവർണറുടെ നയപ്രഖ്യാപന പ്രസംഗം. കേരളം സുസ്ഥിര വികസന സൂചികയിൽ മുന്നിലാണ്. രാജ്യത്ത് ദാരിദ്ര്യം ഏറ്റവും കുറവുള്ള സംസ്ഥാനമാണ് കേരളം. നീതി ആയോഗിന്റെ വികസന സൂചികകളിൽ കേരളത്തിന്റെ ആരോഗ്യമേഖല മുന്നിലാണ്. കൊവിഡ് കാലത്ത് സർക്കാർ ഒപ്പം നിന്നു. മരിച്ചവരുടെ കുടുംബങ്ങൾക്ക് സർക്കാർ സഹായം നൽകി.
സർക്കാരിന്റെ നൂറ് ദിന കർമ്മ പദ്ധതി നടപ്പിലാക്കി. ജനസുരക്ഷയുടെ ഭാഗമായി മുല്ലപ്പെരിയാറിൽ ജലനിരപ്പ് 136 ആയി നിലനിറുത്തണം. പുതിയ ഡാം വേണം. വ്യവസായങ്ങൾ മെച്ചപ്പെടുത്താനുള്ള നടപടികൾ കൈക്കൊള്ളും. സംരംഭകരുടെ പ്രശ്‌നങ്ങൾക്ക് സമയമബന്ധിതമായി പരിഹാരം കാണും. പൊതുമേഖലാ സ്ഥാപനങ്ങൾ ആധുനികവത്കരിക്കും. എല്ലാവർക്കും പാർപ്പിടം എന്നത് സർക്കാരിന്റെ ലക്ഷ്യമാണ്.സിൽവർലൈൻ പദ്ധതി പരിസ്ഥിതി സൗഹൃദമാണ്. നാട്ടിൽ കൂടുതൽ തൊഴിലവസങ്ങൾ സൃഷ്ടിക്കും. വേഗതയും സൗകര്യവും വർദ്ധിക്കും. പദ്ധതിക്ക് കേന്ദ്ര അനുമതി പ്രതീക്ഷിക്കുന്നതായും ഗവർണർ പറഞ്ഞു.
കേന്ദ്ര നിയമനിർമാണങ്ങൾക്കെതിരെയും നയപ്രഖ്യാപനത്തിൽ വിമർശനം ഉയർത്തി.സംസ്ഥാനത്ത് കെ ഫോൺ ആദ്യ ഘട്ടം ഉടൻ പൂർത്തിയാകുമെന്നും അദ്ദേഹം പറഞ്ഞു. അതിഥി തൊഴിലാളികൾക്ക് ചികിത്സ അടക്കമുള്ള സൗകര്യങ്ങൾ നൽകും. ഭൂമിയില്ലാത്തവർക്ക് പട്ടയം നൽകും. കയ്യേറ്റങ്ങൾക്കെതിരെ കർശന നടപടി കൊക്കൊള്ളുമെന്നും ഗവർണർ നയപ്രഖ്യാപനത്തിൽ വ്യക്തമാക്കി.
