Crime
അമേരിക്ക യുക്രെയ്ൻ ജനതയ്ക്കൊപ്പമാണെന്ന് ആവര്‍ത്തിച്ച് ബൈഡന്‍
വാഷിംഗ്ടൺ: റഷ്യൻ സേനയെ ചെറുക്കാൻ യുക്രെയ്നിലേക്ക് ഇല്ലെന്ന് ആവർത്തിച്ച് അമേരിക്കന്‍ പ്രസിഡന്റ് ജോ ബൈഡന്‍. എന്നാൽ അമേരിക്ക യുക്രെയ്ൻ ജനതയ്ക്കൊപ്പമാണെന്ന് ആവര്‍ത്തിച്ച് അമേരിക്കന്‍ പ്രസിഡന്റ് ജോ ബൈഡന്‍. വാഷിംഗ്ടണിൽ പാര്‍ലമെന്‍റില്‍ നടത്തിയ പ്രസംഗത്തിലാണ് ബൈഡൻ ഇക്കാര്യം പറഞ്ഞത്.
യുക്രൈനുള്ള സാമ്പത്തിക സഹായം തുടരുമെന്നും യുഎസ് കോണ്‍ഗ്രസിനെ അഭിസംബോധന ചെയ്ത് ജോ ബൈഡന്‍ പറഞ്ഞു.ഒരു പ്രകോപനവുമില്ലാതെയാണ് റഷ്യ യുക്രൈനില്‍ ആക്രമണം തുടരുന്നത്. ലോക സ്വാതന്ത്ര്യത്തിന്റെ അടിത്തറ ഇളക്കാനാണ് റഷ്യ ശ്രമിച്ചത്. റഷ്യന്‍ നുണകളെ സത്യങ്ങള്‍ കൊണ്ടാണ് നേരിടുന്നത്.
വിദേശ രാജ്യത്ത് റഷ്യ അധിനിവേഷം നടത്തിയത് ലോകത്തിന് തന്നെ ബുദ്ധിമുട്ട് സൃഷ്ടിച്ചിരിക്കുകയാണ്. ദീർഘകാലാടിസ്ഥാനത്തിൽ റഷ്യ വലിയ വില നൽകേണ്ടി വരുമെന്നും ബൈഡൻ മുന്നറിയിപ്പ് നൽകി. നാറ്റോ രാജ്യങ്ങളെ സംരക്ഷിക്കുന്ന നിലപാട് തുടരും. അതേസമയം റഷ്യ- യുക്രൈന്‍ യുദ്ധത്തില്‍ അമേരിക്ക പങ്കാളിയാവില്ല. റഷ്യയുമായി നേരിട്ടുള്ള യുദ്ധത്തിന് അമേരിക്ക തയ്യാറാവില്ല. റഷ്യന്‍ വിമാനങ്ങളെ അമേരിക്കന്‍ വ്യോമപാതയില്‍ വിലക്കിയതായും ജോ ബൈഡന്‍ അറിയിച്ചു.
