Crime
പശ്ചിമ ബംഗാള് നിയമ മന്ത്രി മൊലായ് ഗഡകിന്റെ വീട്ടില് സി.ബി.ഐ റെയ്ഡ്
ന്യൂഡല്ഹി: കല്ക്കരി അഴിമതി കേസില് പശ്ചിമ ബംഗാള് നിയമ മന്ത്രി മൊലായ് ഗഡകിന്റെ വീട്ടില് സി.ബി.ഐ റെയ്ഡ്. കൊല്ക്കത്ത ലെയ്ക്ക് ഗാര്ഡന്, പശ്ചിമ ബര്ദമാന് ജില്ല, അസന്സോല് എന്നിവിടങ്ങളിലെ മൂന്ന് വീടുകളിലടക്കം ആറിടങ്ങളിലാണ് റെയ്ഡ്.
റെയ്ഡില് സിബിഐ സംഘത്തിനൊപ്പം കേന്ദ്രസേനകളും, വനിതാ ഉദ്യോഗസ്ഥരുമുണ്ട്. കല്ക്കരി ഇടപാടില് മൊലായ് ഗഡക് ഉള്പ്പെട്ടതിന്റെ തെളിവ് തങ്ങള്ക്ക് ലഭിച്ചിട്ടുണ്ടെന്നും അതിലാണ് പരിശോധനയെന്നും സി.ബി.ഐ ഉദ്യോഗസ്ഥര് പിടിഐ വാര്ത്താ ഏജന്സിയോട് പ്രതികരിച്ചു.
അന്വേഷണത്തിന്റെ ഭാഗമായി മമതാ ബാനര്ജിയുടെ മരുമകനും തൃണമൂല് കോണ്ഗ്രസ് ദേശീയ ജനറല് സെക്രട്ടറിയുമായ അഭിഷേക് ബാനര്ജിയെ കഴിഞ്ഞയിടെ ഇ.ഡി ചോദ്യം ചെയ്തിരുന്നു. ഈ വര്ഷം ജൂലായിലാണ് 41 പേര്ക്കെതിരേ കല്ക്കരി അഴിമതി കേസില് സി.ബി.ഐ കുറ്റപത്രം സമര്പ്പിച്ചത്.
Continue Reading