Education
ചാന്സലര് സ്ഥാനത്തുനിന്നു ഗവര്ണറെ നീക്കുന്ന ഓര്ഡിനന്സിലും ഒപ്പിടേണ്ടത് ഗവര്ണര്.ഗവര്ണറെ നീക്കാനുള്ള ഓര്ഡിനന്സ് കൊണ്ടുവരാന് സര്ക്കാര്
തിരുവനന്തപുരം: സര്വകലാശാലകളുടെ ചാന്സിലര് സ്ഥാനത്തുനിന്നും ഗവര്ണറെ നീക്കാനുള്ള ഓര്ഡിനന്സ് കൊണ്ടുവരാന് സര്ക്കാര്. ഇന്നു ചേര്ന്ന മന്ത്രി സഭ യോഗത്തിലാണ് തീരുമാനം.പ്രത്യേക നിയമസഭ സമ്മേളനം വിളിക്കാനും തീരുമാനമായി. ഗവര്ണ്ണര്ക്ക് പകരം വിദ്യാഭ്യാസ രംഗത്തെ വിദഗ്ദരെ ചാന്സലര് ആക്കാനാണ് സര്ക്കാര് നീക്കം.സര്വകലാശാലാ നിയമനങ്ങളെച്ചൊല്ലി ഗവര്ണറും സര്ക്കാരും തമ്മിലുള്ള പോരു മൂര്ഛിച്ച സാഹചര്യത്തിലാണ് സര്ക്കാര് നടപടി.
നിലവില് അതതു സര്വകലാശാലാ നിയമം അനുസരിച്ച് ഗവര്ണര് ആണ് എല്ലാ വാഴ്സിറ്റികളുടെയും ചാന്സലര്. ഇതു മാറ്റാനാണ് ഓര്ഡിനന്സ് ഇറക്കുക. ഓരോ സര്വകലാശാകള്ക്കും വ്യത്യസ്ത നിയമം ആണെങ്കിലും ഒറ്റ ഓര്ഡിനന്സിലൂടെ ഇതു മാറ്റാനാണ് സര്ക്കാര് ഒരുങ്ങുന്നത്. ഓരോ സര്വകലാശാലയ്ക്കും പ്രത്യേകം ചാന്സലര്മാരെ നിയമിക്കുന്നതിനു ഓര്ഡിനന്സില് വ്യവസ്ഥയുണ്ടാവും.
ചാന്സലര് സ്ഥാനത്തുനിന്നു ഗവര്ണറെ നീക്കുന്ന ഓര്ഡിനന്സിലും ഗവര്ണര് ആരിഫ് മുഹമ്മദ് ഖാന് ഒപ്പിടേണ്ടതുണ്ട്. ഇത് അനിശ്ചിതമായി വൈകിപ്പിക്കുന്ന പക്ഷം നിയമ വഴി തേടാനാണ് സര്ക്കാര് നീക്കം. അടുത്ത നിയമസഭാ സമ്മേളനത്തില് ഓര്ഡിനന്സിനു പകരം ബില് കൊണ്ടുവരാനാണ് സര്ക്കാര് ഉദ്ദേശിക്കുന്നത്.
