ശിവസൂര്യയുടെ തിരോധാനത്തിൽ അന്വേഷണം ഇന്ന് എസ്ഐടി ഏറ്റെടുക്കും.

കണ്ണൂർ: ചൊക്ലിയിലെ 17കാരൻ ശിവസൂര്യയുടെ തിരോധാനത്തിൽ അന്വേഷണം ഇന്ന് എസ്ഐടി ഏറ്റെടുക്കും. ശിവസൂര്യയെ തേടി പൊലീസ് മൈസൂരുവിലെത്തിയിരിക്കുകയാണ്. വാരണാസിയിലെ മലയാളി സംഘടനകളെ ബന്ധപ്പെട്ടും അന്വേഷണം പുരോ​ഗമിക്കുന്നുണ്ട്. ഓഗസ്റ്റ് 8ന് ശിവസൂര്യയെ കണ്ടതായി അയൽവാസികൾ സാക്ഷ്യപ്പെടുത്തുന്നുണ്ട്. ഷിംന, ഭാഗ്യശ്രീ, എന്നീ അയൽവാസികളാണ് ഏഷ്യാനെറ്റ് ന്യൂസിനോട് പ്രതികരിച്ചത്. ഉച്ചക്ക് 12.45ന് ശേഷം ശിവസൂര്യ അതിവേഗം പോകുന്നത് കണ്ടു. സ്കൂൾ ബാഗും ഉണ്ടായിരുന്നു, സം ശയം തോന്നിയില്ലെന്നാണ് അയൽവാസികളുടെ പ്രതികരണം