Crime
വിഴിഞ്ഞത്ത് ഹിന്ദു ഐക്യവേദി നടത്താനിരുന്ന മാര്ച്ചിന് അനുമതി നിഷേധിച്ചു.സംഘര്ഷ സാധ്യത കണക്കിലെടുത്ത് പ്രദേശത്ത് അറുന്നൂറോളം പൊലിസിനെ വിന്യസിപ്പിച്ചു
തിരുവനന്തപുരം: വിഴിഞ്ഞത്ത് ഹിന്ദു ഐക്യവേദി ഇന്നു നടത്താനിരുന്ന മാര്ച്ചിന് അനുമതി നിഷേധിച്ച് പൊലീസ്. വിഴിഞ്ഞം സമരത്തിനെതിരെയാണ് ഹിന്ദു ഐക്യവേദി മാര്ച്ച് സംഘടിപ്പിക്കുന്നത്. പ്രശ്നങ്ങള് ഉണ്ടായാല് ഉത്തരവാദി സംഘടനയായിരിക്കുമെന്ന് പൊലീസ് മുന്നറിയിപ്പ് നല്കി.
വിഴിഞ്ഞം തുറമുഖ നിര്മ്മാണത്തിനെതിരെ വൈദികരുടെ നേതൃത്വത്തിലുള്ള പ്രതിക്ഷേധത്തിനെതിരെയാണ് ഹിന്ദു ഐക്യവേദി വൈകീട്ട് മാര്ച്ച് നടത്താന് തീരുമാനിച്ചത്. വിഴിഞ്ഞം പദ്ധതി യാഥാര്ത്ഥ്യമാക്കണമെന്ന് ആവശ്യപ്പെട്ടാണ് കെ പി ശശികലയുടെ നേതൃത്വത്തില് മാര്ച്ച് പ്രഖ്യാപിച്ചിരിക്കുന്നത്.
വൈകീട്ട് ജംഗ്ഷനില് നിന്നുമാണ് മാര്ച്ച് ആരംഭിക്കുക. സംഘര്ഷ സാധ്യത കണക്കിലെടുത്ത് പ്രദേശത്ത് അറുന്നൂറോളം പൊലിസിനെ വിന്യസിച്ചിട്ടുണ്ട്. അതേസമയം വിഴിഞ്ഞം പ്രത്യേക പൊലീസ് സംഘത്തിന്റെ മേധാവിയായി നിയമിച്ച ഡിഐജി ആര് നിശാന്തിനി ഇന്ന് വിഴിഞ്ഞം സന്ദർശിക്കും.
