കാർ പുഴയിലേക്ക് മറിഞ്ഞ് മൂന്ന് പേർ മരിച്ചു.വിവാഹചടങ്ങിൽ പങ്കെടുക്കാനായി എത്തിയ കുടുംബമാണ് അപകടത്തിൽപ്പെട്ടത്

തൃശൂർ: തൃശൂർ ആറാട്ടുപുഴയിൽ കാർ പുഴയിലേക്ക് മറിഞ്ഞ് 3 മരണം. ഒല്ലൂർ സ്വദേശികളായ  രാജേന്ദ്ര ബാബു(66) ഭാര്യ  സന്ധ്യ (60) കൊച്ചു മകൻ സമർഥ് (6) എന്നിവരാണ് മരിച്ചത്. പുഴയിലേക്ക് മറിഞ്ഞ കാറിൽ 6 പേരാണ് ഉണ്ടായിരുന്നത്. മറ്റോരു വണ്ടിക്ക് സൈഡ് കൊടുക്കുന്നതിനിടെയാണ് കാർ പുഴയിലേക്ക് വീണത്.

കാറിലുണ്ടായിരുന്നവരെ നാട്ടുകാർ ചേർന്ന് പുറത്തേക്ക് എത്തിക്കുകയും ആശുപത്രിയിലേക്ക് മാറ്റുകയും ചെയ്തിരുന്നു.ആറാട്ടുപുഴയിലെ ഒരു റിസോർട്ടിൽ നടന്ന വിവാഹചടങ്ങിൽ പങ്കെടുക്കാനായി എത്തിതായിരുന്നു കുടുംബം. ഉച്ചയോടെ ആറാട്ടുപുഴ പാലത്തിന് അടിയിലുള്ള വഴിയിലൂടെ പോകുമ്പോൾ ആണ് അപകടം ഉണ്ടായത്. അടിപ്പാതയ്ക്ക് സംരക്ഷണ ഭിത്തിയില്ലാതിരുന്നതാണ് അപകടത്തിന് കാരണമായതെന്ന് നാട്ടുകാർ പറയുന്നു