Crime
വിവാദ ബിബിസി ഡോക്യുമെന്ററി കേരളത്തില് പ്രദര്ശിപ്പിക്കാന് യൂത്ത് കോൺഗ്രസും ഡി.വൈ.എഫ്.ഐയും തടയണമെന്ന് ബി.ജെ.പി
തിരുവനന്തപുരം: : ഗുജറാത്ത് കലാപവുമായി ബന്ധപ്പെട്ട് ബി.ബി.സി തയ്യാറാക്കിയ ‘ഇന്ത്യ: ദി മോദി ക്വസ്റ്റ്യന്’ എന്ന ഡോക്യുമെന്ററി കേരളത്തില് പ്രദര്ശിപ്പിക്കുമെന്ന് ഡി.വൈ.എഫ്.ഐയും യൂത്ത് കോണ്ഗ്രസും പ്രഖ്യാപിച്ചു. .
ബിബിസി ഡോക്യുമെന്ററി കേരളത്തില് പ്രദര്ശിപ്പിക്കുമെന്ന് യൂത്ത് കോണ്ഗ്രസ് സംസ്ഥാന അധ്യക്ഷന് ഷാഫി പറമ്പിൽ പറഞ്ഞു.
മോദി സര്ക്കാര് വിലക്കേര്പ്പെടുത്തിയ ഡോക്യുമെന്ററി പ്രദര്ശിപ്പിക്കുമെന്ന് ഡിവൈഎഫ്ഐയും അവരുടെ ഔദ്യോഗിക ഫെയ്സ്ബുക്ക് പേജിലൂടെ അറിയിച്ചു.
ഇന്നും നാളെയുമായി സംസ്ഥാനത്തെ 200 കേന്ദ്രങ്ങളില് പ്രദര്ശിപ്പിക്കുമെന്നാണ് ഡിവൈഎഫ് പ്രഖ്യാപിച്ചിരിക്കുന്നത്.
ചരിത്ര യാഥാര്ത്ഥ്യങ്ങള് സംഘ്പരിവാറിനും മോദിക്കുമൊക്കെ എന്നും ശത്രുപക്ഷത്താണ്. ഒറ്റു കൊടുത്തതിന്റെയും മാപ്പ് എഴുതിയതിന്റെയും വംശഹത്യ നടത്തിയതിന്റെയുമൊക്കെ ഓര്മ്മപ്പെടുത്തലുകള് അധികാരം ഉപയോഗിച്ച് മറച്ച് പിടിക്കാവുന്നതല്ലെന്നും ഷാഫി പറമ്പില് പറഞ്ഞു.
അതിനിടെ കേരളത്തില് ഡോക്യുമെന്ററി പ്രദര്ശിപ്പിക്കാനുള്ള നീക്കം തടയണമെന്ന് ബിജെപി ആവശ്യപ്പെട്ടു. 2002ലെ ഗുജറാത്ത് കലാപത്തെക്കുറിച്ചുള്ള ഡോക്യുമെന്റി കേരളത്തില് പ്രദര്ശിപ്പിക്കാനുള്ള നീക്കം ഒരുതരത്തിലും അനുവദിക്കരുത്. ഇക്കാര്യത്തില് മുഖ്യമന്ത്രി പിണറായി വിജയന് അടിയന്തരമായി ഇടപെടണമെന്ന് കേന്ദ്ര മന്ത്രി വി.മുരളീധരന് ആവശ്യപ്പെട്ടു.
