Crime
മോന്സണ് മാവുങ്കല് തട്ടിപ്പുകേസില് കെ. സുധാകരനെതിരെ വഞ്ചനാക്കുറ്റം ചുമത്തി. ബുധനാഴ്ച ചോദ്യംചെയ്യലിന് ഹാജരാകാന് ക്രൈംബ്രാഞ്ച് ആവശ്യപ്പെട്ടു.
തിരുവനന്തപുരം: മോന്സണ് മാവുങ്കല് പുരാവസ്തു തട്ടിപ്പുകേസില് കെ.പി.സി.സി. പ്രസിഡന്റ് കെ. സുധാകരനെതിരെ വഞ്ചനാക്കുറ്റം ചുമത്തി. രണ്ടാം പ്രതിയാക്കി എറണാകുളം എ.സി.ജെ.എം. കോടതിയില് ക്രൈംബ്രാഞ്ച് റിപ്പോര്ട്ട് നല്കി. ബുധനാഴ്ച കളമശ്ശേരി ഓഫീസില് ചോദ്യംചെയ്യലിന് ഹാജരാകാന് സുധാകരനോട് ക്രൈംബ്രാഞ്ച് ആവശ്യപ്പെട്ടു.
സി.ആര്.പി.സി. 41 എ വകുപ്പുപ്രകാരമാണ് കെ. സുധാകരന് ക്രൈംബ്രാഞ്ച് നോട്ടീസ് നല്കിയത്. നോട്ടീസ് നല്കിയ വിവരം പുറത്തുവന്നപ്പോള്ത്തന്നെ കെ. സുധാകരന് കേസില് പ്രതിയാണെന്ന കാര്യം വ്യക്തമായിരുന്നു. ഒരു വര്ഷത്തിലേറെ നീണ്ട അന്വേഷണത്തിനൊടുവിലാണ് കെ. സുധാകരനെ പ്രതിയാക്കിയുള്ള റിപ്പോര്ട്ട് കോടതിയില് സമര്പ്പിച്ചിരിക്കുന്നത്.മോന്സണ് കേസിലെ പരാതിക്കാര് മുഖ്യമന്ത്രിക്കടക്കം നല്കിയ പരാതിയില് കെ. സുധാകരന്റെ പേരുണ്ടായിരുന്നു. മോന്സണ് മാവുങ്കലിന് പണം കൈമാറാനെത്തിയ ഘട്ടത്തില് കെ. സുധാകരന് അദ്ദേഹത്തിന്റെ കൂടെയുണ്ടായിരുന്നെന്നു പരാതിയുണ്ടായിരുന്നു.
