ആലുവയിൽ രക്ഷിതാക്കൾക്കൊപ്പം ഉറങ്ങിക്കിടന്ന പെൺകുട്ടിയെ തട്ടികൊണ്ടു പോയി പീഡിപ്പിച്ചു. കണ്ടെത്തിയത് പാടത്തു നിന്ന്

കൊച്ചി: ആലുവയിൽ രക്ഷിതാക്കൾക്കൊപ്പം ഉറങ്ങിക്കിടന്ന പെൺകുട്ടിയെ തട്ടികൊണ്ടു പോയി പീഡിപ്പിച്ചു. ആലുവ ചാത്തൻ പുറത്ത് ഇന്ന് പുലർച്ചെ രണ്ട് മണിയോടെയാണ് ദാരുണ സംഭവം. അതിഥി തൊഴിലാളികളായ മാതാപിതാക്കൾക്ക് ഒപ്പം ഉറങ്ങിയ എട്ടുവയസുകാരിയെയാണ് അജ്ഞാതർ തട്ടികൊണ്ടുപോയി പീഡിപ്പിച്ചത്.

നാട്ടുകാരുടെ നേതൃത്വത്തിൽ നടത്തിയ തിരച്ചിലിനൊടുവിൽ സമീപത്തെ പാടത്തു നിന്നാണ് വസ്ത്രങ്ങളില്ലാത്ത നിലയിൽ കുട്ടിയെ കണ്ടെത്തിയത്. ആരാണ് കുട്ടിയെ തട്ടിക്കൊണ്ടുപോയതെന്ന് തിരിച്ചറിഞ്ഞിട്ടില്ല. പൊലീസ് സ്ഥലത്തെത്തി അന്വേഷണം ആരംഭിച്ചു. കുട്ടിയുടെ നിലവിളി കേട്ട നാട്ടുകാർ പോലീസിന് മൊഴി നൽകി. സമീപത്തെ സി സി.ടി.വി ദൃശ്യങ്ങൾ പരിശോധിച്ച് വരികയാണ്.