സ്‌കിൽ ഡെവലപ്മെന്റ് സെൻററിന്റെ സഹകരണത്തോടെ മലബാർ ക്ലബ് അവതരിപ്പിച്ച ‘കവിതക്കസവിലൊരു മെഹ്ഫിൽ’ ശ്രദ്ധേയമായി.

ഹ്രസ്വ സന്ദർശനാർത്ഥം ഖത്തറിലെത്തിയ പ്രശസ്ത കവിയും ഗാനരചയിതാവുമായ പി എസ് ഹമീദ്, സംഗീത സംവിധായകനും, ഗായകനും, ഹാർമോണിസ്റ്റുമായ മുഹമ്മദ് കുട്ടി അരീക്കോട്, മുതിർന്ന മാപ്പിളപ്പാട്ട് ഗായകൻ സി വി എ ചെറുവാടി, ഗായിക അമീന സുൽത്താന എന്നിവർക്ക് ആദരവും കവിതക്കസവിലൊരു മെഹ്ഫിൽ എന്ന പേരിൽ മെഹ്ഫിൽ രാവും സംഘടിപ്പിച്ചു.

സ്‌കിൽ ഡെവലൊപ്പ്മെന്റ് സെന്ററിൽ നടന്ന പരിപാടിയിൽ ഖത്തറിലെ കലാ സാംസ്കാരിക മേഖലയിലെ പ്രശസ്തർ പങ്കെടുത്തു. പലവിധ സമ്മർദ്ദങ്ങൾക്ക് നടുവിൽ ജീവിക്കുന്ന പ്രവാസികൾക്ക് ഇത്തരത്തിൽ സംഗീതവും സൗഹൃദവും ഊട്ടിയുറപ്പിക്കുന്ന വേദികൾ ആശ്വാസമാണെന്ന് ഐ സി സി അദ്ധ്യക്ഷൻ എ പി മണികണ്ഠൻ അഭിപ്രായപ്പെട്ടു.

ഐ.സി.ബി.എഫ് അഡ്വൈസറി കൗൺസിൽ ചെയർമാനും , കെ.എം.സി.സി. ഖത്തർ ഉപദേശക സമിതി ആക്ടിംഗ് ചെയർമാനുമായ എസ്.എം ബഷീർ ആമുഖ പ്രസംഗം നടത്തി. ഐ സി ബി എഫ് അദ്ധ്യക്ഷൻ ഷാനവാസ് ബാവ, കെ. എം.സി.സി. ഉപാദ്യക്ഷൻ കെ.മുഹമ്മദ് ഈസ എന്നിവർ ആശംസയർപ്പിച്ച് സംസാരിച്ചു.

കവിയും ഗാന രചയിതാവുമായ പി.എസ്. ഹമീദിന് സഫ വാട്ടർ ജനറൽ മാനേജർ അഷറഫ് കെഎംസിസി ഉപദേശകസമിതി വൈസ് ചെയർമാൻ അബ്ദുന്നാസർ നാച്ചി എന്നിവർ മലബാർ ക്ലബിന്റെ ഉപഹാരം നൽകി.
മുതിർന്ന മാപ്പിളപ്പാട്ട് ഗായകൻ സി വി എ ചെറുവാടിക്ക് മലബാർ ക്ലബ് എക്സിക്യൂട്ടീവ് അംഗം മുസ്തഫ ഹാജി വണ്ടൂർ ഉപഹാരം നൽകി. സംഗീത സംവിധായകനും, ഗായകനും, ഹാർമോണിസ്റ്റുമായ മുഹമ്മദ് കുട്ടി അരീക്കോടിന് കരുൺ മേനോൻ ഉപഹാരം നൽകി. അമീന സുൽത്താനക്ക് മലബാർ ക്ലബ് അംഗവും കെ.എം. സി സി കാസർക്കോട് കലാ വിഭാഗം ജനറൽ കൺവീനർ അഷറഫ് പടന്ന ഉപഹാരം നൽകി.

ദോഹയിലെ വിവിധ സംഘടനാ നേതാക്കളും സാംസ്കാരിക പ്രവർത്തകരുമായ ഹൈദർ ചുങ്കത്തറ, ഐ.സി. ബി.എഫ് മാനേജ്മെന്റ് അംഗം റഊഫ് കൊണ്ടോട്ടി, ജോപ്പച്ചൻ , ഗഫൂർ കോഴിക്കോട് , എം.ടി. നിലമ്പൂർ ,അബ്ദുൽ അഹദ് , മുർഷിദ്, നവാസ് മുക്രിയകത്ത് , പി.പി അബ്ദു റഷീദ് , സി അബ്ദുൽ ഖാദർ, ടി ടി കെ ബഷീർ, ആദം കുഞ്ഞി, പുതുക്കുടി അബൂബക്കർ, ഷംസു വാണിമേൽ, പേൾ മുഹമ്മദലി സാഹിബ്, റഫീഖ് മേച്ചേരി തുടങ്ങി വിവിധ മേഖലകളിൽ പ്രവർത്തിക്കുന്നവർ പരിപാടിയിൽ സംബന്ധിച്ചു.

മുഹമ്മദ് കുട്ടി അരീക്കോട്, സി വി എ കുട്ടി ചെറുവാടി, അമീന സുൽത്താന എന്നിവരും ത്വയ്യിബ്, ആരിഫ ഷെരീഫ്, കെ മുഹമ്മദ് ഈസ, സക്കീർ സരിഗ, സലാം കൊയിലാണ്ടി ,സലീം അബ്ബാസ് ചേറ്റുവ , നൗഷാദ് ഇടപ്പള്ളി, എന്നിവരും ഗാനങ്ങൾ ആലപിച്ചു

ഷഫീർ വാടാനപ്പള്ളി, മുസ്തഫ എലത്തൂർ, റഈസ് അലി, വി ടി എം.സാദിഖ്, കോയ കൊണ്ടോട്ടി എന്നിവർ പരിപാടി നിയന്ത്രിച്ചു.