ഇടതുമുന്നണി നേതൃയോഗം ഇന്ന്  വൈകീട്ട് 3 മണിക്ക് തിരുവനന്തപുരത്ത്എഡിജിപി എം.ആർ. അജിത് കുമാർ ആർഎസ്എസ് നേതാക്കളുമായി കൂടിക്കാഴ്ച്ച നടത്തിയ പശ്ചാത്തലത്തിലാണ് യോഗം

തിരുവനന്തപുരം: ഇടതുമുന്നണി നേതൃയോഗം ബുധനാഴ്ച്ച വൈകീട്ട് 3 മണിക്ക് തിരുവനന്തപുരത്ത് ചേരും. എഡിജിപി എം.ആർ. അജിത് കുമാറിനും മുഖ‍്യമന്ത്രിയുടെ പൊളിറ്റിക്കൽ സെക്രട്ടറി പി ശശിക്കുമെതിരെ പി.വി. അൻവർ എം.എൽഎ ഉന്നയിച്ച ആരോപണങ്ങളും എഡിജിപി എം.ആർ. അജിത് കുമാർ ആർഎസ്എസ് നേതാക്കളുമായി കൂടിക്കാഴ്ച്ച നടത്തിയത് വിവാദവുമായ പശ്ചാത്തലത്തിലാണ് യോഗം ചേരുന്നത്.

എഡിജിപിയെ സ്ഥാനത്ത് നിന്ന് മാറ്റാൻ ഘടകക്ഷികൾ മുന്നണി യോഗത്തിൽ ആവശ‍്യപെട്ടേക്കും. ഇപി ജയരാജനെ കൺവീനർ സ്ഥാനത്ത് നിന്ന് മാറ്റി ടിപി രാമകൃഷ്ണനെ ഇടതുമുന്നണി കൺവീനറാക്കിയതിന് ശേഷമുള്ള ആദ‍്യ യോഗമാണ് ഇത്.