Crime
എം.എല്‍.എ ബോര്‍ഡ് വെച്ച കാറില്‍ സജി ചെറിയാൻ നിയമസഭയിലേക്കെത്തി
തിരുവനന്തപുരം: എം.എല്‍.എ ബോര്‍ഡ് വെച്ച കാറില്‍ നിയമസഭയിലേക്കെത്തി സജി ചെറിയാന്‍. ഭരണഘടനാ വിരുദ്ധ പരാമര്‍ശത്തില്‍ മന്ത്രി സ്ഥാനം രാജിവെച്ച് ഒരു ദിവസം പിന്നിടുമ്പോഴാണ് നിയമസഭാ സാമാജികനായി മാത്രം സജി ചെറിയാന്‍ നിയമസഭയിലെത്തുന്നത്. ഒരു പ്രയാസവുമില്ലെന്നും സ്‌ട്രോങ്ങാണെന്നും സജി ചെറിയാന്‍ മാധ്യമങ്ങളോട് പറഞ്ഞു.
ഇതിനിടെ സജിചെറിയാനെതിരേ പ്രതിപക്ഷം ഇന്നും നിയമസഭയില്‍ പ്രതിഷേധം ശക്തമാക്കാനാണ് തീരുമാനിച്ചിരിക്കുന്നത്. മന്ത്രി സ്ഥാനം മാത്രമല്ല, എം.എല്‍.എ സ്ഥാനവും രാജിവെക്കണമെന്ന നിലപാടിലാണ് പ്രതിപക്ഷം. എന്നാൽ എം.എല്‍.എ സ്ഥാനം രാജിവെക്കേണ്ടെ ആവശ്യമില്ലെന്നാണ് സി.പി.എം പറയുന്നത്.വിഷയത്തില്‍ മുഖ്യമന്ത്രി ഇതുവരെ പ്രതികരിച്ചില്ലെങ്കിലും നിയമസഭയില്‍ പ്രതിപക്ഷം വിഷയം ഉന്നയിക്കുമ്പോള്‍ മുഖ്യമന്ത്രിയുടെ പ്രതികരണമുണ്ടാവുമെന്നാണ് അറിയുന്നത്.
Continue Reading