കെ.ടി.ജലീൽ എം.എൽ.യുടെ വിവാദ കശ്മീര്‍  പരാമർശത്തിൽ കേസെടുക്കാൻ ഡൽഹി പോലീസ് നടപടി ആരംഭിച്ചു

ന്യൂഡൽഹി: കെ.ടി.ജലീൽ എം.എൽ.യുടെ വിവാദ കശ്മീര്‍  പരാമർശത്തിന്റെ അടിസ്ഥാനത്തിൽ ലഭിച്ച പരാതിയിൽ ഡൽഹി പോലീസ് നടപടി ആരംഭിച്ചു. അന്വേഷണത്തിനായി പരാതി സൈബർ ക്രൈം വിഭാഗത്തിന് കൈമാറി. കേസെടുക്കുന്നതിൽ നിയമോപദേശവും ഡൽഹി പോലീസ് തേടി.

ബി.ജെ.പിയുടെ അഭിഭാഷകൻ ജി.എസ്. മണിയാണ് ഡൽഹി തിലക് മർഗ് പോലീസ് സ്റ്റേഷനിൽ കെ.ടി. ജലീലിനെതിരേ പരാതി നൽകിയത്. എന്നാൽ പരാതിയിൽ അന്വേഷണം നടത്തുകയോ മറ്റു നടപടികൾ സ്വീകരിക്കുകയോ ഉണ്ടായില്ല. തുടർന്ന് ഡി.സി.പിയ്ക്ക് ജി.എസ്. മണി പരാതി നൽകി. ഇതിന് ശേഷമാണ് ഇപ്പോൾ കേസ് സൈബർ ക്രൈം വിഭാഗത്തിന് നൽകിയിരിക്കുന്നത്. പോലീസ് നിയമോപദേശവും തേടിയിട്ടുണ്ട്.
പ്രാഥമികാന്വേഷണവും നിയമോപദേശവും ലഭിച്ച ശേഷം കേസെടുക്കാനാണ് നീക്കം.