ആ​ഭ്യ​ന്ത​ര വ​കു​പ്പി​നെ​തി​രേ രൂ​ക്ഷ​മാ​യ ഇ​ട​ത് സൈ​ബ​ര്‍ ആ​ക്ര​മ​ണം. ആഭ്യ​ന്ത​ര വ​കു​പ്പ് തി​ക​ഞ്ഞ പ​രാ​ജ​യം

ആ​ഭ്യ​ന്ത​ര വ​കു​പ്പി​നെ​തി​രേ രൂ​ക്ഷ​മാ​യ ഇ​ട​ത് സൈ​ബ​ര്‍ ആ​ക്ര​മ​ണം. ആഭ്യ​ന്ത​ര വ​കു​പ്പ് തി​ക​ഞ്ഞ
പ​രാ​ജ​യം

തിരുവനന്തപുരം: പൊ​ലീ​സി​നെ​തി​രേ തു​ട​ർ​ച്ച​യാ​യു​ണ്ടാ​കു​ന്ന ആ​രോ​പ​ണ​ങ്ങ​ളു​ടെ പ​ശ്ചാ​ത്ത​ല​ത്തി​ല്‍ ആ​ഭ്യ​ന്ത​ര വ​കു​പ്പി​നെ​തി​രേ രൂ​ക്ഷ​മാ​യ ഇ​ട​ത് സൈ​ബ​ര്‍ ആ​ക്ര​മ​ണം. സ​ജീ​വ സി​പി​എം പ്ര​വ​ർ​ത്ത​ക​രു​ടെ പ്രൊ​ഫൈ​ലു​ക​ളു​ൾ​പ്പെ​ടെ പൊ​ലീ​സി​ന്‍റെ പെ​രു​മാ​റ്റ​ത്തി​നെ​തി​രേ പ​ര​സ്യ​മാ​യി രം​ഗ​ത്തു വ​ന്നു​ക​ഴി​ഞ്ഞു. ഒ​രാ​ഴ്ച​യ്ക്കി​ടെ പ​ത്തോ​ളം ഗു​രു​ത​ര​മാ​യ ആ​രോ​പ​ണ​ങ്ങ​ളാ​ണ് പൊ​ലീ​സി​നെ​തി​രേ വി​വി​ധ ഭാ​​ഗ​ങ്ങ​ളി​ൽ നി​ന്ന് ഉ​ന്ന​യി​ക്ക​പ്പെ​ട്ട​ത്. ഇ​തി​ൽ മാ​മ്പ​ഴ മോ​ഷ​ണം മു​ത​ൽ മൂ​ന്നാം​മു​റ, വീ​ടു​ക​വ​ർ​ച്ച വ​രെ ഉ​ൾ​പ്പെ​ടു​ന്നു. കോ​ത​മം​​ഗ​ല​ത്തും മ​ല​പ്പു​റ​ത്തും മ​ണ്ണാ​ർ​ക്കാ​ടും വി​ദ്യാ​ർ​ഥി​ക​ളെ മ​ർ​ദി​ക്ക​ൽ, മ​ഞ്ചേ​രി​യി​ൽ സ്ത്രീ​യെ കു​ട്ടി​യു​ടെ മു​ന്നി​ൽ വ​ച്ച് വ​ലി​ച്ചി​ഴ​ച്ച് കൊ​ണ്ടു​പോ​ക​ൽ അ​ട​ക്കം ഈ ​ആ​ഴ്ച​ക​യി​ലെ വാ​ർ​ത്ത​ക​ളി​ൽ നി​റ​ഞ്ഞ​ത് പൊ​ലീ​സി​ന്‍റെ അ​തി​ക്ര​മ​ങ്ങ​ളാ​യി​രു​ന്നു. 

കൊ​ല്ലം കി​ളി​കൊ​ല്ലൂ​ര്‍ പൊ​ലീ​സ് മ​ര്‍ദ​ന​ത്തി​ന്‍റെ​യ​ട​ക്കം പ​ശ്ചാ​ത്ത​ല​ത്തി​ല്‍ ആ​ഭ്യ​ന്ത​ര വ​കു​പ്പ് തി​ക​ഞ്ഞ പ​രാ​ജ​യ​മാ​ണെ​ന്നും പി​ണ​റാ​യി വി​ജ​യ​ന്‍ ഒ​ഴി​ഞ്ഞു​നി​ന്ന് മ​റ്റാ​രെ​യെ​ങ്കി​ലും വ​കു​പ്പ് ഏ​ല്‍പ്പി​ക്ക​ണ​മെ​ന്നും അ​ട​ക്ക​മാ​ണ് സ​മൂ​ഹ​മാ​ധ്യ​മ പോ​സ്റ്റു​ക​ളി​ലെ ഉ​ള്ള​ട​ക്കം. ഇ​ട​ത് സ​ഹ​യാ​ത്രി​ക​രി​ല്‍ നി​ര​വ​ധി പേ​രാ​ണ് ഫെ​യ്സ്ബു​ക്ക് പോ​സ്റ്റു​ക​ള്‍ ആ​ഭ്യ​ന്ത​ര വ​കു​പ്പി​നെ​തി​രേ ശ​ര​ങ്ങ​ൾ തൊ​ടു​ത്തു​വി​ടു​ന്ന​ത്. മാ​ധ്യ​മ​പ്ര​വ​ർ​ത്ത​ക​ൻ മ​രി​ച്ച ശ്രീ​റാം വെ​ങ്കി​ട്ട​രാ​മ​ന്‍ പ്ര​തി​യാ​യ കാ​റ​പ​പ​ട കേ​സി​ലും ആ​ഭ്യ​ന്ത​ര​മ​ന്ത്രി കൂ​ടി​യാ​യ മു​ഖ്യ​മ​ന്ത്രി പ​റ​ഞ്ഞ​ത് നീ​തി ന​ട​പ്പാ​ക്കു​മെ​ന്നാ​ണ്. അ​തും ന​ട​പ്പാ​യി​ല്ല.

ഇ​ട​തു​പ​ക്ഷ സം​ഘ​ട​ന​ക​ളാ​യ എ​സ്എ​ഫ്ഐ, ഡി​വൈ​എ​ഫ്ഐ പ്ര​വ​ർ​ത്ത​ക​ർ​ക്കെ​തി​രെ​യും പൊ​ലീ​സി​ന്‍റെ ക​ടു​ത്ത മ​ർ​ദ​ന​മു​റ​ക​ളു​ണ്ടാ​യി. തൃ​ശൂ​രി​ൽ വി​വ​രാ​വ​കാ​ശ പ്ര​വ​ർ​ത്ത​ക​നെ കു​രു​ക്കാ​ൻ കോ​ട​തി​യു​ടെ സ​മ​ൻ​സ് പൂ​ഴ്ത്തി വ്യാ​ജ ഒ​പ്പി​ട്ട് ന​ൽ​കി​യ​ത് വി​വ​രാ​വ​കാ​ശ മ​റു​പ​ടി​യോ​ടെ ക​ണ്ടെ​ത്തി​യി​ട്ടു​ണ്ട്. കൊ​ട​ക​ര പൊ​ലീ​സി​നെ​തി​രെ​യാ​ണ് ആ​രോ​പ​ണം. തൃ​ശൂ​ർ സി​റ്റി ക​ൺ​ട്രോ​ൾ റൂ​മി​ൽ പെ​റ്റി​ക്കേ​സ് ക്വാ​ട്ട തി​ക​യ്ക്കാ​ത്ത​തി​ന് എ​എ​സ്ഐ​ക്ക് കാ​ര​ണം കാ​ണി​ക്ക​ൽ നോ​ട്ടീ​സ് ന​ൽ​കി​യി​രി​ക്കു​ക​യാ​ണ്. ക​ൺ​ട്രോ​ൾ റൂം ​പൊ​ലീ​സി​നെ ഇ​ത്ത​രം ചു​മ​ത​ല​ക​ളി​ലേ​ക്ക് നി​യോ​ഗി​ക്ക​രു​തെ​ന്നി​രി​ക്കെ ച​ട്ടം ലം​ഘി​ച്ച പ്ര​വൃ​ത്തി പു​റ​ത്ത​റി​ഞ്ഞ​തോ​ടെ നോ​ട്ടീ​സ് പു​റ​ത്തു​വി​ട്ട​തി​ന് ന​ട​പ​ടി​യെ​ടു​ക്കാ​ൻ ഒ​രു​ങ്ങു​ക​യാ​ണ്. 

പൊ​ലീ​സി​നെ ക​യ​റൂ​രി വി​ട്ടി​രി​ക്കു​ക​യാ​ണെ​ന്നും എ​ൽ​ഡി​എ​ഫി​നോ സി​പി​എ​മ്മി​നോ യാ​തൊ​രു നി​യ​ന്ത്ര​ണ​വും പൊ​ലീ​സി​നു മേ​ൽ ഇ​ല്ലെ​ന്നും ആ​രോ​പ​ണ​മു​ർ​ന്നി​ട്ടു​ണ്ട്. ഇ​ട​തു​പ​ക്ഷ പ്ര​വ​ർ​ത്ത​ക​രാ​ണെ​ന്ന് പൊ​ലീ​സ് സ്റ്റേ​ഷ​നു​ക​ളി​ൽ പ​റ​യാ​ൻ പോ​ലും പ​റ്റാ​ത്ത അ​വ​സ്ഥ​യാ​ണു​ള്ള​തെ​ന്ന് നി​ര​വ​ധി ഇ​ട​തു പോ​സ്റ്റു​ക​ളി​ലു​ണ്ട്. ആ​ഭ്യ​ന്ത​ര വ​കു​പ്പ് പി​ണ​റാ​യി വി​ജ​യ​ന്‍ ഒ​ഴി​ഞ്ഞ് മ​റ്റാ​രെ​യെ​ങ്കി​ലും സ്വ​ത​ന്ത്ര​മാ​യി ഏ​ല്‍പ്പി​ക്ക​ണ​മെ​ന്നാ​ണ് ഇ​ട​തു​പ്ര​വ​ർ​ത്ത​ക​രു​ടെ ആ​വ​ശ്യം. സി​പി​എ​മ്മി​ന്‍റെ മു​തി​ർ​ന്ന ആ​രെ​യെ​ങ്കി​ലും മ​ന്ത്രി സ്ഥാ​ന​മേ​ൽ​പ്പി​ക്ക​ണ​മെ​ന്നാ​ണു മു​റ​വി​ളി. എം.​വി. ജ​യ​രാ​ജ​നു പ​ക​രം പി. ​ശ​ശി പൊ​ളി​റ്റി​ക്ക​ൽ സെ​ക്ര​ട്ട​റി​യാ​യ​തി​നു ശേ​ഷ​മാ​ണ് പൊ​ലീ​സി​ന്‍റെ ഗു​രു​ത​ര വീ​ഴ്ച​ക​ളു​ണ്ടാ​കു​ന്ന​ത് എ​ന്ന​തും സി​പി​എ​മ്മി​ന് ത​ല​വേ​ദ​ന​യാ​ണ്. രാ​ജ്യ​സ​ഭാം​ഗ​മാ​യി പോ​യ ജോ​ൺ ബ്രി​ട്ടാ​സി​ന്‍റെ അ​ഭാ​വ​വും ച​ർ​ച്ച​യാ​കു​ന്നു. എം.​വി. ഗോ​വി​ന്ദ​ൻ സി​പി​എം സം​സ്ഥാ​ന സെ​ക്ര​ട്ട​റി​യാ​യ​തി​ന് ശേ​ഷം ക​ണ്ണൂ​രി​ൽ നി​ന്ന് മു​തി​ർ​ന്ന നേ​താ​വ് മ​ന്ത്രി​സ​ഭ​യി​ലെ​ത്തു​മെ​ന്ന് ഇ​ട​തു​പ്ര​വ​ർ​ത്ത​ക​ർ പ്ര​തീ​ക്ഷി​ച്ചി​രു​ന്നു. ഗോ​വി​ന്ദ​ൻ എം​എ​ൽ​എ സ്ഥാ​നം രാ​ജി​വ​ച്ച് പ​ക​രം ത​ളി​പ്പ​റ​മ്പ് മ​ണ്ഡ​ല​ത്തി​ൽ നി​ന്ന് മു​തി​ർ​ന്ന നേ​താ​വി​നെ മ​ത്സ​രി​പ്പി​ച്ച് ആ​ഭ്യ​ന്ത​ര വ​കു​പ്പ് ന​ൽ​ക​ണ​മെ​ന്നാ​യി​രു​ന്നു പ്ര​വ​ർ​ത്ത​ക​രു​ടെ ആ​വ​ശ്യം. അ​തും ന​ട​ന്നി​ട്ടി​ല്ല.