Crime
മേയറുടെ കത്തിന് പിന്നാലെ നിയമനത്തിനായി നഗരസഭയില് നിന്ന് സി.പി.എം. ജില്ലാ സെക്രട്ടറിക്ക് അയച്ച മറ്റൊരു കത്ത് കൂടി പുറത്ത്
തിരുവനന്തപുരം: തിരുവനന്തപുരം മേയറുടെ കത്തിന് പിന്നാലെ നിയമനത്തിനായി തിരുവനന്തപുരം നഗരസഭയില് നിന്ന് സി.പി.എം. ജില്ലാ സെക്രട്ടറിക്ക് അയച്ച മറ്റൊരു കത്ത് കൂടി പുറത്ത് വന്നു. തിരുവനന്തപുരം എസ്.എ.ടി. ആശുപത്രിയിലെ ഒന്പത് നിയമനങ്ങള്ക്കായി യോഗ്യരായവരുടെ പട്ടിക കൈമാറണമെന്ന് ആവശ്യപ്പെട്ട് നഗരസഭ പാര്ലമെന്ററി പാര്ട്ടി സെക്രട്ടറിയായ ഡി.ആര്. അനിലാണ് സി.പി. എം ജില്ലാ സെക്രട്ടറി ആനാവൂര് നാഗപ്പന് കത്തയച്ചത്.സഖാവേ എന്ന് അഭിസംബോധന ചെയ്ത് തുടങ്ങുന്ന കത്തില് ഒഴിവുകളുടെ എണ്ണവും യോഗ്യതയും ശമ്പളവുമെല്ലാം വിവരിക്കുന്നുണ്ട്.
ആശുപത്രിയില് രോഗികളുടെ കൂട്ടിരിപ്പുകാര്ക്കായി പണികഴിപ്പിച്ച വിശ്രമകേന്ദ്രത്തില് കുടുംബശ്രീ മുഖേന ജീവനക്കാരെ നിയമിക്കാന് തീരുമാനിച്ചിട്ടുണ്ടെന്നും നിയമനത്തിന് യോഗ്യരായ കുടുംബശ്രീ അംഗങ്ങളുടെ പട്ടിക കൈമാറണമെന്നുമാണ് കത്തില് ആവശ്യപ്പെട്ടിരിക്കുന്നത്. വിശ്രമകേന്ദ്രത്തില് മാനേജര്, കെയര് ടേക്കര് അടക്കം ഒന്പത് ഒഴിവുകളാണുള്ളത്. ഈ ഒഴിവുകളിലേക്കുള്ള നിയമനത്തിനാണ് ഒക്ടോബര് 24-ാം തീയതി ഡി.ആര്. അനില് ജില്ലാ സെക്രട്ടറി ആനാവൂര് നാഗപ്പന് കത്തയച്ചത്.നഗരസഭയിലെ സി.പി.എം. പാര്ലമെന്ററി പാര്ട്ടി സെക്രട്ടറിയായ ഡി.ആര്. അനില് നഗരസഭയിലെ പൊതുമരാമത്ത് വിഭാഗം സ്റ്റാന്ഡിങ് കമ്മിറ്റി ചെയര്മാനുമാണ്
