പികെ ഫിറോസിന് ജാമ്യം. സെക്രട്ടേറിയേറ്റ് മർച്ചിലുണ്ടായ സംഘർഷത്തെ തുടർന്നാണ് പികെ ഫിറോസ് അറസ്റ്റിലായിരുന്നത്

തിരുവനന്തപുരം: യൂത്ത് ലീഗ് സംസ്ഥാന ജനറൽ സെക്രട്ടറി പികെ ഫിറോസിന് ജാമ്യം. സെക്രട്ടേറിയേറ്റ് മർച്ചിലുണ്ടായ സംഘർഷത്തെ തുടർന്നാണ് പികെ ഫിറോസ് അറസ്റ്റിലാകുന്നത്. പൊതുമുതൽ നശിപ്പിച്ചതിന്‍റെ നഷ്ടപരിഹാരം കെട്ടിവച്ചതിനു ശേഷമാണ ്കോടതി ജാമ്യം അനുവദിച്ചത്. തിരുവനന്തപുരം ജുഡീഷ്യൽ ഫസ്റ്റ് ക്ലാസ്  കോടതിയാണ് ജാമ്യം നൽകിയത്.

കേസിൽ നേരത്തെ 28 യൂത്ത് ലീഗ് പ്രവർത്തകർക്ക് പൊതുമുതൽ നശിപ്പിച്ചതിനുള്ള നഷ്ടപരിഹാരം കെട്ടിവെച്ചതിനെ തുടർന്ന് ജാമ്യം ലഭിച്ചിരുന്നു.  

കഴിഞ്ഞ മാസം 23 ന് തിരുവനന്തപുരം പാളയത്തുവച്ചാണ് ഫിറോസ് അറസ്റ്റിലായത്. പൊലീസിനെ അക്രമിക്കൽ, പൊതുമുതൽ നശിപ്പിക്കൽ, സംഘർഷം സൃഷ്ടിക്കൽ തുടങ്ങിയ വകുപ്പുകൾ ചുമത്തിയായിരുന്നു കേസ്. കേസിലെ ഒന്നാം പ്രതിയാണ് ഫിറോസ്.