കോഴിക്കോട് വനിതാഡോക്ടർ പന്ത്രണ്ടാം നിലയിൽനിന്ന് വീണുമരിച്ച നിലയിൽ

കോഴിക്കോട്: കോഴിക്കോട് വനിതാ ഡോക്ടറെ കെട്ടിടത്തിൽ നിന്ന് വീണ് മരിച്ച നിലയിൽ കണ്ടെത്തി. സദാ റഹ്മത്ത് ആണ് മരിച്ചത്. കോഴിക്കോട് മേയർ ഭവന് അടുത്തുള്ള ലിയോ പാരഡൈസ് അപാർട്മെന്റിന്റെ പന്ത്രണ്ടാം നിലയിൽ നിന്നാണ് വീണത്. പുലർച്ചെ നാല് മണിക്കായിരുന്നു സംഭവം.

അപാർട്മെന്റിൽ പിറന്നാളാഘോഷം നടന്നിരുന്നു. ഇതിന് വേണ്ടിയായിരുന്നു ഡോക്ടർ ഇവിടെ എത്തിയതാണെന്നാണ് വിവരം. ശബ്ദം കേട്ട് എത്തിയപ്പോൾ വീണുകിടക്കുന്ന നിലയിൽ ഡോക്ടറെ കണ്ടെത്തുകയായിരുന്നെന്ന് സുരക്ഷാ ജീവനക്കാരൻ പറയുന്നു.. ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
വെള്ളയിൽ പോലീസ് സ്ഥലത്തെത്തി.