Crime
വോട്ടെടുപ്പിനിടെ പണവുമായെത്തിഡല്‍ഹി മുഖ്യമന്ത്രിയുടെ ഓഫീസിലെ ജീവനക്കാരായ രണ്ടു പേർ പിടിയിൽ : 5 ലക്ഷം രൂപയുമായി കാർ കസ്റ്റഡിയിലെടുത്തു
ന്യൂഡല്‍ഹി: ഡല്‍ഹി മുഖ്യമന്ത്രി അതിഷി മര്‍ലേനയുടെ ഓഫീസിലെ ജീവനക്കാരായ രണ്ടു പേരെ 5 ലക്ഷം രൂപയുമായി കസ്റ്റഡിയിലെടുത്തു. ഡല്‍ഹി മുഖ്യമന്ത്രി അതിഷിയുടെ പേഴ്‌സണല്‍ അസിസ്റ്റന്റ് ആയ ഗൗരവ്, ഡ്രൈവര്‍ അജിത് എന്നീ രണ്ട് പേരാണ് പിടിയിലായിരിക്കുന്നത്.
പുലര്‍ച്ചയോടെയാണ് സംഭവം.
വിഷയത്തില്‍ അന്വേഷണം തുടങ്ങിയെന്ന് പോലീസ് അറിയിച്ചു. ന്യൂ ഡല്‍ഹി അടക്കമുള്ള ചില മേഖലകളില്‍ ചില ആളുകള്‍ പണം വിതരണം ചെയ്യുന്നുവെന്ന രഹസ്യ വിവരത്തെത്തുടര്‍ന്നാണ് പരിശോധനയിലേക്ക് കടന്നതെന്ന് ഡല്‍ഹി പോലീസ് അറിയിച്ചു.
ആ സമയത്താണ് രണ്ട് പേര്‍ പണവുമായി എത്തിയെന്ന കാര്യം മനസിലായത്. ഇവരുടെ കാര്‍ പരിശോധിച്ചപ്പോഴാണ് 5 ലക്ഷം രൂപ പിടിച്ചെടുത്തതെന്ന് പോലീസ് പറയുന്നു. സംഭവത്തില്‍ നാട്ടുകാരാണ് ഇവരെ തടഞ്ഞു വച്ചതെന്നും പോലീസെത്തി മറ്റു നടപടികള്‍ സ്വീകരിക്കകയുമായിരുന്നു.
പല സ്ഥലത്തും പണം വിതരണം നടത്തിയെന്നും വോട്ട് അട്ടിമറിക്കാന്‍ ശ്രമം നടത്തുന്നുണ്ടെന്നുമുള്ള പരാതികളുടെ അടിസ്ഥാനത്തില്‍ വ്യാപക പരിശോധനയാണ് നടത്തി വരുന്നത്. അതേ സമയം വിഷയവുമായി ബന്ധപ്പെട്ട് ഇത് വരെ പ്രതികരണങ്ങളൊന്നുമുണ്ടായിട്ടില്ല
