KERALA
കോഴിക്കോട് ഫ്ലാറ്റിന്‍റെ ഏഴാം നിലയില്‍ നിന്ന് വീണ് ഏഴ് വയസുകാരൻ മരിച്ചു.
കോഴിക്കോട്: പാലാഴിക്കു സമീപം പന്തീരങ്കാവില്‍ 7 വയസുകാരന്‍ ഫ്ലാറ്റിന്‍റെ ഏഴാം നിലയില്‍ നിന്ന് വീണ് മരിച്ചു. നല്ലളം കീഴ്വനപാടം എംപി ഹൗസില്‍ മുഹമ്മദ് ഹാജിഷ്-ആയിഷ ദമ്പതികളുടെ മകന്‍ ഇവാന്‍ ഹൈബല്‍ (7) ആണ് മരിച്ചത്.
ഇരിങ്ങല്ലൂര്‍ ലാന്‍ഡ് മാര്‍ക്ക് അബാക്കസ് ബില്‍ഡിങ്ങില്‍ വച്ച് ചൊവ്വാഴ്ച രാത്രി 8 മണിയോടെയാണ് അപകടമുണ്ടായത്. കളിക്കുന്നതിനിടെ ബാല്‍ക്കണിയില്‍ കയറിയ കുട്ടി താഴേക്ക് വീഴുകയായിരുന്നു എന്നാണ് വിവരം.
കുട്ടിയെ ഉടനെ തൊട്ടടുത്ത സ്വകാര്യ ആശുപത്രിയിൽ എത്തിച്ചുവെങ്കിലും ജീവന്‍ രക്ഷിക്കാനായില്ല. കുട്ടിയുടെ മൃതദേഹം കോഴിക്കോട് മെഡിക്കല്‍ കോളെജ് മോര്‍ച്ചറിയിലേക്കു മാറ്റി.
Continue Reading