Crime
എട്ടാം ക്ലാസുകാരൻ ഷോക്കേറ്റ് മരിച്ചതില് സ്കൂള് മാനേജ്മെന്റിനെതിരെ നടപടിയെടുക്കുന്ന കാര്യത്തിൽ വിദ്യാഭ്യാസ വകുപ്പ് ഇന്ന് തീരുമാനമെടുക്കും.
കൊല്ലം: തേവലക്കരയില് എട്ടാം ക്ലാസുകാരൻ മിഥുന് ഷോക്കേറ്റ് മരിച്ചതില് സ്കൂള് മാനേജ്മെന്റിനെതിരെ നടപടിയെടുക്കുന്ന കാര്യത്തിൽ വിദ്യാഭ്യാസ വകുപ്പ് ഇന്ന് തീരുമാനമെടുക്കും. വീഴ്ചയില്ലെന്നാണ് മാനേജ്മെന്റിന്റെ വിശദീകരണം. വൈദ്യുതി അപകടങ്ങളുടെ പശ്ചാത്തലത്തില് വൈദ്യുതി മന്ത്രി വിളിച്ച ഉന്നതതല യോഗവും ഇന്ന് നടക്കും.
ഈ മാസം 17ന് സ്കൂളില് കളിക്കുന്നതിനിടെയാണ് 13 വയസുകാരനായ മിഥുന് ഷോക്കേറ്റ് മരിച്ചത്. രാവിലെ ക്ലാസ് തുടങ്ങുന്നതിന് മുമ്പ് കൂട്ടുകാരോടൊത്ത് കളിക്കുന്നതിനിടെ ചെരുപ്പ് സൈക്കിള് ഷെഡിന് മുകളിലേക്ക് വീണു. ഇതെടുക്കാനായി ഷെഡിന് മുകളിലേക്ക് കയറിയപ്പോള് വൈദ്യുതി ലൈനില് തട്ടി ഷോക്കേല്ക്കുകയായിരുന്നു. ഉടന് തന്നെ മിഥുനെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ഇതിൻ്റെ പേരിൽ ഏറെ പ്രതിഷേധങ്ങളും ഉയർന്നിരുന്നു.
Continue Reading